پنک بس سروس فلاحی ریاست کی طرف ایک قدم ہے، تنویر الیاس

ویب ڈیسک

07th Feb, 2023. 09:15 pm
شيئر
- Font size
  - Small
  - Medium
  - Large
- Dark Mode
- Save
- Print

آرٹیکلز

Now Reading:

پنک بس سروس فلاحی ریاست کی طرف ایک قدم ہے، تنویر الیاس

تنویر الیاس خان نے کہا ہے کہ پنک بس سروس فلاحی ریاست کی طرف ایک قدم ہے۔

تفصیلات کے مطابق وزیراعظم آزاد کشمیر سردار تنویر الیاس خان نے ملازمت پیشہ خواتین کیلیے پنک بس سروس کا افتتاح کر دیا ہے۔

وزیراعظم سردار تنویر الیاس خان نے مظفرآباد شہر میں خود بس چلا کر نئی بس سروس کا افتتاح کیا، وزیراعظم سردار تنویر الیاس خان کے ساتھ سفر میں موسٹ سینئر وزیر خواجہ فاروق احمد اور مشیر سوشل ویلفئیر سردار محمد حسین بھی تھے۔

اس موقع پر وزیراعظم آزاد کشمیر سردار تنویر الیاس خان نے کہا کہ خواتین کو باآختیار بنانے کیلیے مزید پروگرام شروع کئے جا رہے ہیں ، بس سروس سے مشکل حالات میں سفر کرنے والی خواتین کو سہولت ملے گی۔

تنویر الیاس خان نے یہ بھی کہا کہ مظفرآباد کو ماڈل شہر بنا کر ٹرانسپورٹ کے نظام میں جدت لائیں گے ، پنک بس سروس کے ذریعے ملازمت پیشہ خواتین کو بھی بہترین سفری سہولت مہیا ہوگی۔

وزیراعظم آزاد کشمیر سردار تنویر الیاس خان نے مزید کہا کہ پنک بس سروس فلاحی ریاست کی طرف ایک قدم ہے، ہماری خواتین باہمت ہیں انہیں زیادہ سے زیادہ سہولتیں فراہم کریں گے۔