شہر کراچی میں آج صبح سویرے جہاں ایک طرف دھند ہونے کے باعث حد نگاہ متاثر ہوئی وہیں دوسری جانب دن بھر کے دوران موسم خشک رہنے کا بھی امکان ہے۔

اس حوالے سے محمکہ موسمیات کا کہنا ہے کہ آج شہر کا موسم خشک رہے گا جس دوران زیادہ درجہ حرارت 28 ڈگری سینٹی گریڈ ریکارڈ  کئے جانے کا امکان ہے جبکہ کم سے کم درجہ حرارت 18 ڈگری سینٹی گریڈ ریکارڈ کیا گیا ہے۔

محمکہ موسمیات کے مطابق شہر کی فضا کی سمت تبدیل   ہوئی ہے جس کے باعث آج شہر میں 12 تا 15 کلو میٹر فی گھنٹہ کی رفتار سے شمال مشرقی ہوا چل رہی ہے۔

یہ بھی پڑھیں اس سال کتنی گرمی پڑے گی؟ محکمہ موسمیات نے بُری خبر سنادی

محکمہ موسمیات نے بتایا ہے کہ آج مطلع صاف رہے گا البتہ بارش کا کوئی امکان نہیں ہے۔

دوسری جانب کراچی کے علاوہ ملک کے بیشتر علا قوں میں موسم سرد اور خشک رہنے کا امکان ہے جبکہ گلگت بلتستان، کشمیر اور ملحقہ پہاڑی علاقوں میں چند مقامات پر گرج چمک کے ساتھ بارش اور پہاڑوں پر برفباری کا بھی امکان ہے۔

اسلام آباد

اسلام آباد میں موسم سرد اورخشک رہے گا جس دوران کم سے کم درجہ حرارت 7 ڈگری سینٹی گریڈ رہنے کا امکان ہے۔

ملتان:

ملتان میں آئندہ 24 گھنٹوں کے دوران موسم سرد اور خشک رہے گا جس دوران زیادہ سے زیادہ درجہ حرارت 25 ڈگری سینٹی گریڈ تک رہنے کا امکان ہے اور کم سے کم درجہ حرارت 10 ڈگری سینٹی ریکارڈ رہنے کا امکان ہے۔

بلوچستان:

محکمہ موسمیات کے مطابق  بلوچستان کے بیشتراضلاع میں موسم سرد اور خشک رہے گا۔

پشاور :
پشاور میں ٹھنڈی ہوائیں چلنے سے شہر میں سردی برقرار ہے جبکہ صوبہ کے بیشتر علاقوں میں موسم سرد اور خشک رہے گا۔

اسکے علاوہ مانسہرہ، کوہستان اور بالاکوٹ میں گرج چمک کے ساتھ بارش اور پہاڑوں پر برفباری کی توقعات ہیں۔

خیال رہے کہ گلگت بلتستان ،کشمیر اور ملحقہ پہاڑی علاقوں میں چند مقامات پر گرج چمک کے ساتھ بارش اور پہاڑوں پر برفباری کا امکان کے ساتھ ہی سیاحوں کو محتاط رہنے کی ہدایات جاری کردی گئیں ہیں۔