پارلیمنٹ کے مسائل پارلیمنٹ میں حل ہونے چاہیے، فواد چوہدری

ویب ڈیسک

27th Feb, 2023. 11:49 pm
شيئر
- Font size
  - Small
  - Medium
  - Large
- Dark Mode
- Save
- Print

آرٹیکلز

Now Reading:

پارلیمنٹ کے مسائل پارلیمنٹ میں حل ہونے چاہیے، فواد چوہدری

پی ٹی آئی کے سینئر رہنما فواد چوہدری نے کہا ہے کہ پارلیمنٹ کے مسائل پارلیمنٹ میں حل ہونے چاہیے۔

تفصیلات کے مطابق پاکستان تحریک انصاف کے سینئر رہنما فواد چوہدری نے اسپیکر سے ملاقات کے بعد پارلیمنٹ ہاؤس کے باہر میڈیا سے گفتگو کرتے ہوئے کہا کہ امجد شعیب کی گرفتاری کی مذمت کرتے ہیں، بولنا کوئی جرم نہیں ہے، جمہوریت میں تنقید آئینی حق ہے۔

پی ٹی آئی کے رہنما نے کہا کہ آج 21 ارکان اسمبلی پارلیمنٹ آئے اور اسپیکر سے ملاقات کی، پی ٹی آئی کی اسمبلی میں اب تعداد 135 ہے۔

فواد چوہدری نے یہ بھی کہا کہ قائد حزب اختلاف بنانا ہمارا حق ہے، پی ٹی آئی نے شاہ محمود قریشی کو قائد حزب اختلاف نامزد کیا ہے، چئیرمین نیب کے تقرر کیلئے مشاورت شاہ محمود قریشی سے ہونی چاہیے۔

پی ٹی آئی کے سینئر رہنما فواد چوہدری نے مزید کہا کہ پارلیمنٹ کے مسائل پارلیمنٹ میں حل ہونے چاہئیں، الیکشن کمیشن نے پی ٹی آئی ممبران کو بحال کر دیا ہے شاید اس طرح پارلیمنٹ کی عزت بھی بحال ہو جائے۔