سابق وزیراعظم عمران خان کی اعلان کردہ جیل بھرو تحریک کے پیش نظر آج پی ٹی آئی رہنماؤں سمیت کارکنا گرفتاریاں پیش کریں گے۔

تفصیلات کے مطابق گزشتہ 4 روز سے جاری جیل بھرو تحریک میں لاہور، پشاور، راولپنڈی اور ملتان کے بعد آج پانچویں روز گوجرانوالہ کی قیادت اور کارکنان امپورٹڈ حکومت کی فسطائیت، معاشی بدحالی اور لاقانونیت کے خلاف گرفتاریاں دیں گے۔

پی ٹی آئی کی جیل بھرو تحریک کے پانچویں مرحلے کا آج گوجرانوالہ میں میدان سجے گا، تحریک انصاف کے مرکزی قائدین سمیت 200 سے زائد کھلاڑی آج گرفتاریاں پیش کریں گے۔

پی ٹی آئی کے ضلعی صدرمیاں ارقم خان، جنرل سیکریٹری بلال ناصر چیمہ،سٹی صدر خالد عزیز لون اورجنرل سیکریٹری طارق گجر گرفتاری دیں گے۔

اس کے علاوہ سابق صدر ڈسٹرکٹ بار الیاس ریحان، پی ٹی آئی کے امیدوار رضوان مصطفیٰ سیان رضوان اسلم بٹ بھی گرفتاری دیں گے۔

مرکزی رہنما پی ٹی آئی یاسمین راشد کی قیادت میں کھلا ڑی 12 بجے سٹی صدر کی رہائش گاہ سے جیل کی جانب روانہ ہوں گے، پی ٹی آئی کے کھلاڑی کپتان کی کال پر گرفتاریاں دینے کیلئے پر جوش ہیں۔

سینٹرل جیل گوجرانوالہ میں جیلوں کی تعداد اور گنجائش

جیل ذرائع کے مطابق تحریک انصاف کی مقامی قیادت اور کارکناں سمیت 200 سے زائد کھلاڑی گرفتاریاں دیں گے جبکہ سینٹرل جیل گوجرانوالہ میں پہلے ہی گنجائش سے زائد قیدی موجود ہیں۔

یہ بھی پڑھیں:پی ٹی آئی جیل بھرو تحریک؛ فیاض چوہان، زلفی بخاری اور اعجاز خان نے گرفتاری دے دی

جیل ذرائع نے بتایا کہ 1550 قیدیوں کی گنجائش موجود ہے جبکہ جیل میں 3289 قیدی موجود ہے۔

ذرائع کا کہنا تھا کہ سینٹرل جیل میں پہلے ہی گنجائش سے زائد قیدی ہو نے کی وجہ سے مسائل کا سامنا ہے۔

جیل ذرائع نے مزید کہا کہ تحریک انصاف کے کارکناں اور قیادت کو قید رکھنا انتظامیہ کیلئے درد سر بن گیا، جیل بھرو تحریک کے دوران گرفتار کیے گئے سیاسی قیدیوں کو دوسرے اضلاع میں منتقل کیے جانے کا امکان ہے۔

یہ بھی پڑھیں: جیل بھرو تحریک کا آغاز، شاہ محمود قریشی سمیت پارٹی کی سینئر قیادت گرفتار