پاکپتن، جائیداد کے تنازعہ پر حقیقی بھائی نے فائرنگ کر کے اپنی ماں دو بھائیوں سمیت 7 افراد کو موت کے گھاٹ اتار دیا۔

تفصیلات کے مطابق پاکپتن کے نواحی گائوں باری رکھ میں سحری کے وقت ایک شخص نے ساتھیوں کی مدد سے بھائی کے گھر گھس کر ماں، بھائی، بہنوئی اور بچوں کو فائرنگ کر کے قتل کر دیا۔

پاکپتن: جائیداد کے تنازع پر فائرنگ سے ایک ہی خاندان کے 7 افراد جاں بحق#BOLNews #Pakpattan pic.twitter.com/DcLWbwRAAM

Advertisement

— BOL Network (@BOLNETWORK) March 25, 2023

واقع کی اطلاع ملتے ہی پولیس کی بھاری نفری ریسکیو 1122 اور کرائم سین کی گاڑیاں جائے وقوعہ پر پہنچ گئیں۔

واقع تھانہ صدر کے علاقہ چک بڑی راکھ میں پیش آیا جہاں جائیداد کے تنازعہ پر حقیقی بھائی سرور اپنی والدہ دو حقیقی بھائی بھاوج اور 4 بھتیجے بھتیجیوں کو موت کے گھات اتار دیا۔

جاں بحق ہونے والوں میں حقیقی بھائی افتخار، شیرباز، 22 سالہ مفتاح بی بی، 12 سالہ احد، 14 سالہ احمد، 35 سالہ آسیہ بی بی اور بشیراں بی بی شامل ہیں۔

اس حوالے سے ڈی پی او پاکپتن حسن اقبال نے ملزم سرور کی گرفتاری کے لئے خصوصی ٹیمیں تشکیل دے دیں ملزم کی گرفتاری کے لیے چھاپے جاری ہیں۔

دوسری جانب وزیراعلیٰ پنجاب محسن نقوی کا پاکپتن میں ایک ہی خاندان کے 7 افراد کے قتل کے واقعہ کا نوٹس  لیتے ہوئے انسپکٹر جنرل پولیس سے رپورٹ طلب کر لی ہے۔

نگراں وزیراعلیٰ پنجاب نے کہا ہے کہ ملزمان کی جلد گرفتاری یقینی بنائی جائے اور قانون کی گرفت میں لا کر مزید کارروائی کی جائے۔

انہوں نے کہا کہ مقتولین کے لواحقین کو انصاف کی فراہمی میں کوئی کسر اٹھا نہ رکھی جائے اور اس افسوسناک واقعہ کی ہر پہلو سے تحقیقات کرکے رپورٹ پیش کی جائے۔