زمان پارک میں ماڈل ٹاؤن جیسا آپریشن ہو رہا ہے، فرخ حبیب

ویب ڈیسک

15th Mar, 2023. 02:22 pm
شيئر
- Font size
  - Small
  - Medium
  - Large
- Dark Mode
- Save
- Print

آرٹیکلز

Now Reading:

زمان پارک میں ماڈل ٹاؤن جیسا آپریشن ہو رہا ہے، فرخ حبیب

تحریک انصاف کے سینئر رہنما و سابق وفاقی وزیر فرخ حبیب نے کہا ہے کہ زمان پارک میں ماڈل ٹاؤن جیسا آپریشن ہو رہا ہے۔

تفصیلات کے مطابق مرکزی سیکرٹری اطلاعات پاکستان تحریک انصاف فرخ حبیب نے زمان پارک کے باہر خصوصی گفتگو کرتے ہوئے کہا کہ زمان پارک میں سیدھی فائرنگ کی جا رہی ہے، عوام پر ظلم کیا جا رہا ہے، امپورٹڈ حکومت عوام کی جان و مال کے درپے ہے۔

فرخ حبیب نے کہا کہ ریاست کی تمام قوتیں عمران خان کو برباد کرنے پر لگی ہوئی ہیں، عدلیہ کے پاس اختیار ہے، اس سنگین معاملے کا سوموٹو نوٹس لیا جائے، عدلیہ سے درخواست ہے زمان پارک میں جاری ظلم کو روکیں، عمران خان نے ہمیشہ عدلیہ اور قانون کا احترام کیا ہے، خان نے تصادم سے بچنے کے لیے اپنی انڈرٹیکنگ بھی دے دی ہے۔

ان کا کہنا تھا کہ یہ قاتل خون زیزی پر تلے ہوئے ہیں،انکو روکا جائے، چیف جسٹس صاحب عوام کی نظریں آپ پر لگی ہوئی ہیں، زمان پارک میں بھی ماڈل ٹاؤن جیسا آپریشن ہو رہا ہے، لوگ زخمی ہوئے، اموات کی اطلاعات ہیں، اگر خاموشی ہی اختیار کی گئی تو اسکا جواب سب کو دینا ہو گا۔

ضرور پڑھیں؛ عمران خان کی ممکنہ گرفتاری کا معاملہ؛ زمان پارک میدان جنگ بن گیا