امیر جماعت اسلامی کراچی حافظ نعیم الرحمان نے کہا ہے کہ جعلی مردم شماری کسی صورت قبول نہیں  کی جائیگی۔

پریس کانفرنس کرتے ہوئے حافظ نعیم الرحمان کا کہنا تھا کہ پیپلز پارٹی کے نمبر پورے نہیں ہوئے تو آراوز اور الیکشن کمیشن پر زور دے کر نتائج رکوائے ہیں اور چھ یونین کونسلز کے نتائج کو رکوا کر جعل سازی کی انتہا کر دی  ہے۔

انہوں نے بتایا کہ الیکشن کمیشن آف پاکستان کو ری کاونٹنگ میں جعل سازی کے حوالے سے بتایا گیا  ہے لیکن الیکشن کمیشن کے نتائج بدلے جارہے ہیں، یہ کیا دہشتگردی ہے؟

انہوں نے کہا کہ یہ الیکشن کمیشن کا کام تھا انہیں جعل سازی سے روکتے  لیکن ہم خاموش گھر نہیں بیٹھے گے ہم آئنی جمہوری حق استعمال کرینگے ، جماعت اسلامی ایک ووٹ دے بھی دستبردار نہیں ہوگی۔

مردم شماری

انہوں نے مزید کہا کہ مردم شماری کا کام شروع نہیں ہوسکا ہے اور کراچی کی کاؤنٹنگ نہیں ہورہی  ہے جبکہ ڈیجیٹل مردم شماری میں رجسٹریشن رک رہی ہے۔

یہ بھی پڑھیں: ملکی تاریخ میں پہلی بار ڈیجیٹل مردم شماری کے دوسرے مرحلے کا آغاز

حافظ نعیم الرحمان کا کہنا تھا کہ آرٹی ایس کی طرح ڈیجیٹل مردم شماری کاسسٹم بھی بیٹھ گیا ہے تاہم ہمارا مطالبہ ہے کہ آن لائن رجسٹریشن کی مدت میں ایک ماہ توسیع کریں۔

ان کا کہنا تھا کہ گنتی درست ہوئی تو وڈیروں کا خاتمہ ہوجائے گا اور صحیح ووٹ کاسٹ ہوئے تو جاگیرداروں کا خاتمہ ہوجائے گا اور سندھ کاوزیراعلیٰ کراچی سے بھی بن سکتا ہے۔

انہوں  نے کہا کہ جو جس جگہ رہائش پذیرہےاسکی گنتی بھی وہیں ہوگی اور شناختی کارڈ کے مطابق سب کی ویری فکیشن بھی ہونی چاہیے لیکن جعلی مردم شماری کسی صورت قبول نہیں کریں گے۔