گورنر خیبر پختونخوا حاجی غلام علی نے کہا ہے کہ تمام سیاسی جماعتیں متفق ہیں کہ الگ الیکشن نہ ہو۔

گورنر کے پی حاجی غلام علی نے پشاور میں میڈیا سے گفتگو کرتے ہوئے کہا کہ الیکشن کمیشن خود کہتا ہے ان حالات میں انتخابات ممکن نہیں، تحریک انصاف کے ایم این ایز مجھے کہتے ہیں ایک ساتھ الیکشن کروائیں۔

زمان پارک میں جو ہورہا ہے ملک کی بدنامی کا سبب بن رہا ہے

انہوں نے کہا کہ زمان پارک میں جو ہو رہا ہے ملک کی بدنامی کا سبب بن رہا ہے، ہمیں بھی گرفتار کرنے کے لیے بندے آئے، ہم نے ان کو چائے پلائی اور گرفتاری دی، سیاسی لوگوں کے لیے جیل جانا بڑی بات نہیں۔

سیاسی معاملوں کو عدالت میں لے جانے کی ضرورت نہیں

غلام علی نے کہا کہ خیبر پختونخوا اسمبلی انتخابات کے حوالے سے صوبائی حکومت کی سیکیورٹی خدشات پر الیکشن کمیشن کو آگاہ کیا۔

انکا کہنا ہے کہ سیاسی معاملوں کو عدالت میں لے جانے کی ضرورت نہیں، تمام سیاسی جماعتیں متفق ہے کہ الگ الیکشن نہ ہو، ایک ساتھ الیکشن نہ ہوئے تو ہر پانچ سال بعد یہ ہی ہو گا۔

گورنر کے پی نے کہا کہ عمران خان نے ضمنی الیکشن 8 میں سے 7 نشستیں جیتیں ایک کے ہارنے پر دھاندلی کا الزام لگایا۔

بیوروکریسی کی تبادلوں میں میرا کوئی عمل دخل نہیں

انہوں نے کہا کہ آڈیوز اور ویڈیوز سے متعلق سیاسی جماعتوں کے کارکنوں کو خود پوچھنا چاہیے، دو دن پہلے زمان پارک سے پی ٹی آئی کے ایم ایز نے رابطہ کیا کہ الگ الیکشن نہ کریں، میں نے انھیں کہا کہ آپ مھجے نہ کہیں یہ بات عمران خان کو کہیں۔

یہ بھی پڑھیں: صدر مملکت سے گورنر خیبرپختونخوا کی ملاقات، انتخابات سے متعلق گفتگو

غلام علی نے کہا کہ بیوروکریسی کی تبادلوں میں میرا کوئی عمل دخل نہیں۔ پوچھنا چاہیے کہ سابق دور میں بیوروکریسی کا ایک مخصوص حلقہ کیوں چھایا رہا۔

گورنر کے پی نے مزید کہا کہ کیا ماضی میں او ایس ڈی رہنے والوں کو تعیناتیوں کا حق نہیں ہے، جو زمان پارک میں ہوا تاریخ یہ اچھے الفاظ میں یاد نہیں رکھے گی۔

مزید پڑھیں: کےپی الیکشن، تاریخ کا اعلان نہ کرنے پر گورنر کیخلاف کارروائی کیلئے صدر مملکت کو مراسلہ ارسال