سابق وفاقی وزیر شیخ رشید نے کہا ہے کہ ریاست کا پہلا اصول عوام ہے اور عوام کو حکومت نے تباہ و برباد کردیا ہے۔

سماجی رابطے کی ویب سائٹ پر اپنے ایک پیغام میں عوامی مسلم لیگ کے سربراہ نے حکومت کے عوام کے لئے ریلیف کے متعلق اپنے خیالات کا اظہار کیا ہے۔

سیکرٹری خارجہ کادورہ چین بہت اہم ہے،جاناوزیرخارجہ کوچاہیےتھا۔بلی تھیلےسےباہرآگئی ہےرجیم چینج آپریشن کاپردہ چاک ہونےجا رہاہے۔دیوالیہ ریاست کوکیااور کہتےہیں سیاست داؤپرلگادی ہے۔ریاست کاپہلا اصول عوام ہےاورعوام کوحکومت نےتباہ و بربادکردیاہے۔عوام قومی سلامتی پرکوئی سمجھوتہ نہیں کرےگی

Advertisement

— Sheikh Rashid Ahmed (@ShkhRasheed) March 18, 2023

انہوں نے کہا ہے کہ حکومت کا عوام کو ریلیف دینے کا نام عوام کو تکلیف دینا ہے، 50 فیصد مہنگائی بڑھادی گئی ہے اور 6 ارب ڈالر کی یقین دہانی نہیں مل رہی، یہ آئی ایم ایف سے خاک معاہدہ کرینگے۔

انہوں نے مزید کہا کہ دیوالیہ ریاست کوکیا اور کہتے ہیں سیاست داؤ پرلگادی ہے  جبکہ ریاست کا پہلا اصول عوام ہے اورعوام کو حکومت نے تباہ و برباد کردیا ہے ۔

شیخ رشید کا کہنا تھا کہ عوام قومی سلامتی پرکوئی سمجھوتہ نہیں کرے گی، بھوکے مرجائیں گے قومی اثاثوں پرسمجھوتہ نہیں کریں گے۔

ان کا کہنا تھا کہ بلی تھیلے سے باہر آگئی ہے، رجیم چینج آپریشن کا پردہ چاک ہونے جا رہا ہے۔

یہ بھی پڑھیں؛ عمران خان ریل میں ہو یا جیل میں حکومت سے نہیں سنبھالا جائے گا، شیخ رشید

اس سے قبل اپنے ایک بیان میں شیخ رشید نے کہا تھا کہ آئی ایم ایف کی بیل ابھی بھی منڈیر نہیں چڑھی نہ دنیا میں ان کی کوئی لابی ہے، نہ بیرونی فنانسنگ کی یقین دہانی ہے۔ ان کو کوئی سنجیدہ نہیں لیتا، پیڑول 5 روپے اور ڈیزل 13 روپے مزید مہنگا کردیا ہے۔