تحریک انصاف کے جاں بحق کارکن ظل شاہ کے بھائی نے انکشاف کیا ہے کہ بھائی کے جسم پر 27 سے 28 چوٹیں موجود تھیں۔

تفصیلات کے مطابق تحریک انصاف کے جاں بحق کارکن ظل شاہ کے بھائی نے بول نیوز سے خصوصی گفتگو کی۔

بول نیوز نے مرحوم کے بھائی سے سوال کیا کہ آپ کو پی ٹی آئی کی طرف سے کیا ایک کروڑ کی آفر ہوئی ہے؟ جس پر انہوں نے جواب دیتے ہوئے کہا کہ ہمیں کسی نے کوئی پیسوں کی آفر نہیں کی، ایسی کوئی آفر والد صاحب  کے علم میں بھی نہیں، اگر کوئی بات ہوتی تو ہمیں بتاتے۔

ایک اور سوال پر انہوں نے کہا کہ پتا چل رہا تھا کہ ایکسیڈنٹ نہیں ہوا ہے، ایکسیڈنٹ میں ہڈیاں فریکچر ہوتی ہیں، بھائی کے سر کی ہڈی ٹوٹی ہوئی تھی، حادثہ ہوتا تو ٹانگ میں بھی ضرور چوٹ لگتی، بھائی کے جسم پر 27 سے 28 چوٹیں تھیں۔

آئی جی پنجاب کی ضل شاہ کے گھر آمد

آئی جی پنجاب پولیس عثمان انور نے مرحوم علی بلال عرف ضل شاہ کے گھر آکر تعزیت کی اور کیس کی اب تک کی پیش رفت کے بارے میں آگاہ کیا۔

آئی جی پنجاب نے گھر میں موجود اسپیشل بچوں کی تعلیم کا زمہ لیتے ہوئے کہا کہ انصاف کے تمام تقاضے پورے کیے جائیں گے، مرحوم کی فیملی کے ساتھ رابطے میں رہیں گے اور جب تک مطمئن نہیں ہو جاتے، ان کے کہنے پر ہی مقدمہ کا چالان پیش کیا جائے گا۔

ضل شاہ کے والد کا کہنا تھا کہ بیٹے کی ہلاکت پر کسی کو نامزد نہیں کرنا چاہتا، میں صدمے میں تھا اس وقت درخواست میں جو نام تھے ان کے بارے میں نہیں جانتا، میں کسی کے خلاف کارروائی نہیں کروانا چاہتا، میرے اوپر کوئی دباؤ نہیں نا کسی نے پیسے دینے کی بات کی ہے، پولیس میرٹ پر تفتیش کرے۔

ضرور پڑھیں؛ عمران خان کی اوورسیز پاکستانیوں کو مزید متحرک ہونے کی ہدایت