لاہور میں دفعہ 144 کی خلاف ورزی پر پی ٹی آئی کے کارکنوں کی گرفتاریوں کا عمل جاری ہے ۔

تفصیلات کے مطابق محکمہ داخلہ پنجاب کی جانب سے لاہور میں  جلسے، جلوسوں اور ریلیوں پر پابندی عائد کی گئی ہے تاہم عمران خان کی قیادت میں آج زمان پارک سے نکلنے والی ریلی میں شرکت کے لئے جمع ہونے والے کارکنان کو پولیس  کی جانب سے گرفتار کرلیا گیا ہے۔

تحریک انصاف کی انتخابی ریلی، پولیس کی جانب سے گرفتاریاں شروع
دفعہ 144کی خلاف ورزی پر پی ٹی آئی کارکنوں کو گرفتار کیا گیا،پولیس

Advertisement

براہ راست دیکھیں: https://t.co/7PN6qbA9Hd#BOLNews #PTI pic.twitter.com/5bkdzuivOK

— BOL Network (@BOLNETWORK) March 8, 2023

مال روڈ انڈر پاس پر پولیس کی بھاری نفری موجود ہے جبکہ پولیس اہلکاروں کے پاس آنسو گیس کے شیل بھی موجود  ہیں، اسکے علاوہ انڈر پاس پر واٹر کینن بھی پہنچادی گئی  ہے۔

مال روڈ انڈر پاس کو ٹھوکر جانے والے رستے کو کنٹینرز لگا کر بند کردیا گیا ہے جس کے باعث بد ترین ٹریفک جام کی صورتحال پیدا ہوگئی ہے۔

پولیس نے زمان پارک جانے والے ڈی جے حمزہ کوگرفتارکرلیا ہے جبکہ قیدیوں کی وین میں موجودپی ٹی آئی کارکنوں کی نعرے بازی جاری ہے۔

دوسری جانب پولیس کی جانب سے لاٹھی چارج بھی شروع کردیا گیا ہے جس کے بعد مال روڈ انڈر پاس میدان جنگ  میں تبدیل ہوگیا ہے اور کئی کارکنان زخمی بھی ہوگئے ہیں جس میں خواتین کارکنان بھی شامل ہیں۔

اس دوران کارکنان کی جانب سے پتھراؤ  بھی کیا گیا جس کے باعث درجنوں گاڑیوں کے شیشے ٹوٹ گئے۔

کینال روڈ مکمل بند ہونے کے باعث تحریک انصاف سیالکوٹ کے رہنما دلاور بیگ کی قیادت میں قافلے کو زمان پارک جانے سے روک دیا گیا ہے۔

پولیس نے کارکنوں کو متشر کرنے کیلئے واٹر کینن اور آنسو گیس کا استعمال بھی کیا۔