گورنر پنجاب محمد بلیغ الرحمٰن نے کہا ہے کہ زکوٰۃ کے پیسے شفاف طریقے سے مستحقین تک پہنچانے کو یقینی بنایا جائے۔
تفصیلات کے مطابق گورنر پنجاب محمد بلیغ الرحمٰن سے نگران صوبائی وزیر برائے اوقاف و مذہبی امور بیرسٹر سید اظفر علی ناصر نے ملاقات کی جس کے دوران گورنر پنجاب نے اس بات پر تشویش کا اظہار کیا کہ قرآن کریم کی اسکولوں میں تعلیم جو مسلم لیگ (ن) کے دور حکومت میں قانون پاس کیا گیا تھا اس پر تاحال پوری طرح عملدرآمد نہیں ہو سکا۔
گورنر پنجاب نے صوبائی وزیر کو ہدایت کی کہ جلد از جلد اس کام کو بہتر طریقے سے آگے بڑھایا جائے۔
گورنر پنجاب نے اس موقع پر کہا کہ زکوٰۃ کے پیسے شفاف طریقے سے مستحقین تک پہنچانے کو یقینی بنائیں، رمضان المبارک میں خاص طور پر وہ علاقے جہاں غربت زیادہ ہے وہاں زکوۃ حق داروں تک پہنچانے کو یقینی بنائیں۔
سید اظفر علی ناصر نے کہا کہ درباروں کی تزئین و آرائش بالخصوص سیکیورٹی کے لیے اقدامات اٹھا رہے ہیں، تمام مسالک کے علماء سے مشاورت کے ساتھ معاشرے میں برداشت اور مذہبی ہم آہنگی کے فروغ کے لیے جلد ایک کانفرنس منعقد کرنے جا رہے ہیں۔
Advertisement
Advertisement
مزید پڑھیں
Catch all the Business News, Breaking News Event and Latest News Updates on The BOL News
Download The BOL News App to get the Daily News Update & Live News
Advertisement
