نگران وزیراعلیٰ پنجاب محسن نقوی نے کہا ہے کہ پولیس فورس پر پتھراؤ کرنے والے عناصر کو قانون کی گرفت میں لایا جائے گا۔

تفصیلات کے مطابق نگران وزیراعلیٰ پنجاب محسن نقوی نے سروسز ہسپتال کا دورہ کیا اور سیاسی جماعت کے کارکنوں کے پتھراؤ سے زخمی ڈی آئی جی آپریشنز اسلام آباد شہزاد بخاری او ردیگر پولیس اہلکاروں کی عیادت کی۔

محسن نقوی نے ڈی آئی جی آپریشنز اسلام آباد شہزاد بخاری او ردیگر پولیس اہلکاروں کی خیریت دریافت کی۔

نگران وزیراعلیٰ پنجاب نے ڈی آئی جی شہزاد بخاری اور دیگر پولیس اہلکاروں کے علاج معالجے کے لئے ہسپتال انتظامیہ کو ضروری ہدایات دیں

محسن نقوی کی ڈی آئی جی شہزاد بخاری اور دیگر پولیس اہلکاروں کی جلد صحت یابی کے لئے دعا کی اور ڈی آئی جی آپریشنز اسلام آباد شہزاد بخاری اور پولیس اہلکاروں کی فرض شناسی کو سراہا۔

یہ بھی پڑھیں؛ محسن نقوی کی زیرصدارت اجلاس؛ جشن بہاراں کی جاری تقریبات کے انتظامات کا جائزہ

نگران وزیراعلیٰ پنجاب محسن نقوی نے مزید کہا کہ آپ نے فرض شناسی کی اعلیٰ مثال قائم کی ہے، آپ پر فخر ہے۔

انہوں نے کہا کہ قانون کی عملداری کو یقینی بنانے کے لئے آپ کی اپروچ پروفیشنل ہے۔

نگران وزیراعلیٰ پنجاب محسن نقوی نے مزید کہا کہ پولیس فورس پر پتھراؤ کرنے والے عناصر کو قانون کی گرفت میں لایا جائے گا۔

اس موقع پر صوبائی وزیر سپیشلائزڈ ہیلتھ کیئر اینڈ میڈیکل ایجوکیشن ڈاکٹر جاوید اکرم بھی موجود تھے۔