قائد حزب اختلاف سندھ حلیم عادل شیخ نے کہا ہے کہ ملک بھر میں آئین شکنی ہو رہی ہے۔

تفصیلات کے مطابق اپوزیشن لیڈر سندھ اسمبلی حلیم عادل شیخ نے بول نیوز سے خصوصی گفتگو کرتے ہوئے کہا کہ میرے خلاف یہ انتیسواں مقدمہ درج کیا گیا ہے ۔

ہمیں یقین ہے انصاف کی فتح ہوگی

انہوں نے کہا کہ پرامن احتجاج کرنے پر شہر بھر میں پی ٹی آئی قیادت کے خلاف مقدمات بنا دیے گئے ، پرامن احتجاج کرنے پر شہر بھر میں پی ٹی آئی قیادت کے خلاف مقدمات بنا دیے گئے ۔

حلیم عادل شیخ نے کہا کہ پرامن احتجاج ہمارا بنیادی آئینی حق ہے ، ہمارے خلاف دہشت گردی اور اقدام قتل کے مقدمات قائم کیے اور عمران خان کے خلاف 83 مقدمات درج کیے جاچکے ہیں ، ہمیں عدالتوں پر اعتماد ہے، ہمیں یقین ہے انصاف کی فتح ہوگی ۔

پوری قوم پریشان ہے

سندھ اسمبلی کے اپوزیشن لیڈر نے کہا کہ پاکستان کو یہ لوگ کہاں لیکر جارہے ہیں، یومیہ سینکڑوں وارنٹ گرفتاری عدالتوں سے جاری ہوتے ہیں ۔

یہ بھی پڑھیں؛ امپورٹڈ ٹولہ جو بھی تماشہ لگائے الیکشن ہو کر رہیں گے ، حلیم عادل شیخ

انہوں نے کہا ہے کہ کسی ایک ملزم کے پیچھے کروڑوں روپے خرچ کیے گئے ؟ پولیس رینجرز آنسو گیس فائرنگ کہیں اور استعمال کی گئی ؟

حلیم عادل شیخ نے مزید کہا کہ حق اور سچ بولنے پر شعیب شیخ کو گرفتار کیا گیا، گندا کرنے کی کوشش کی گئی ، پاکستان کی تاریخ کا یہ مہنگا ترین وارنٹ تھا، پوری قوم پریشان ہے ۔

یہ بھی پڑھیں؛ نقوی حکومت اتنی نازک ہے کہ انہیں پریس کانفرنسز سے بھی خطرہ ہے ، حلیم عادل شیخ