وزیر داخلہ رانا ثنا اللہ نے کہا ہے کہ الیکشن کمیشن کو انتخابات کی تاریخ بڑھانے کا اختیار حاصل ہے۔

تفصیلات کے مطابق رانا ثنا اللہ نے سپریم کورٹ کے باہر میڈیا سے گفتگو کرتے ہوئے کہا کہ ہماری سمجھ کے مطابق الیکشن کمیشن کو تاریخ بڑھانے کا اختیار ہے، پارلیمنٹ نے ٹھیک وقت میں اپنا کردار ادا کیا، امید ہے عدلیہ میں اصلاحات کی قانون سازی آج منظور ہو جائے گی، معزز ججز ایک طرف 3،2 کا فیصلہ قرار دے رہے ہیں اور دوسری طرف ججز 4،3 کا فیصلہ کہہ رہے ہیں۔

رانا ثنا اللہ نے کہا کہ سپریم کورٹ کا کوئی معاملہ اندرونی نہیں، بابازحمتے کی زحمتیں قوم اورعدالتیں بھگت رہی ہیں، عدالت نے بھی باباز حمتےکے اقدامات کی حمایت نہیں کی، عدالت عظمیٰ کے کردارسے ہی بیلنس آئے گا، سوموٹو نوٹس پر فل کورٹ تشکیل دیا جائے، فل کورٹ سے معاملہ خوش اسلوبی سے حل ہو سکتا ہے، سپریم کورٹ کا فیصلہ اندرونی معاملہ نہیں ہو سکتا۔

ان کا کہنا تھا کہ سپریم کورٹ کے فیصلے سے پوری قوم منسلک ہے، فل کورٹ یا لارجر بنچ ہی ابہام دور کر سکتا ہے، بدقسمتی سے ایسے فیصلے آئے جس سے معاشرہ ان بیلنس ہوا، سپریم کورٹ سے انصاف چاہتے ہیں، رول آف لاء کیلئے عدالت اپنا کردار ادا کرے، آئین میں سقم دور کرنا پارلیمنٹ کی ذمے داری ہے، فل کورٹ بنچ تشکیل دیا جائے تاکہ انصاف کے تقاضے پورے ہوں۔

ضرور پڑھیں؛ کیپٹن صفدر اپنی بیگم مریم نواز کی طرح کروڑوں کے اثاثوں کے مالک نکلے