سابق وزیراعلیٰ پنجاب و مرکزی صدر پاکستان تحریک انصاف چودھری پرویزالٰہی نے کہا ہے کہ عمران خان مظلوم کی آواز ہیں۔

تفصیلات کے مطابق سابق وزیراعلیٰ پنجاب و مرکزی صدر پاکستان تحریک انصاف چودھری پرویزالٰہی سے سینئر وکلا کے وفد کی ملاقات ہوئی جس میں پرویزالٰہی کی پی ٹی آئی کے پرامن کارکنوں کی گرفتاریوں اور پولیس تشدد کی مذمت کی گئی۔

ملاقات میں سابق وزیراعلیٰ پنجاب و مرکزی صدر پاکستان تحریک انصاف چودھری پرویزالٰہی نے کہا کہ حکومت کے دن گنے جاچکے عوام کے احتجاج نے ثابت کر دیا کہ یہ الیکشن سے کتنا ڈر چکے ہیں۔

انہوں نے کہا کہ عمران خان مظلوم کی آواز ہیں اور عمران خان کی قیادت میں عوامی طاقت کو روکنا نااہل ٹولے کے بس کی بات نہیں ہے۔

ان کا کہنا تھا کہ پنجاب حکومت کی بدترین فسطائیت نے اس کا مکروہ چہرہ بے نقاب کر دیا ہے، پنجاب میں آئینی اور قانونی حقوق کو  کچلنے کیلئے پولیس کا بدترین استعمال جاری ہے۔

یہ بھی پڑھیں؛ عمران خان جیسا لیڈر نہیں ملے گا، چودھری پرویز الٰہی

ان کا یہ بھی کہنا تھا کہ پنجاب حکومت کی جانب سے آنسو گیس، لاٹھی چارج کا بدترین استعمال قابل مذمت ہے، پولیس نے گلو بٹ کا کردار ادا کیا، پی ٹی آئی کے رہنماؤں اور کارکنون کی گاڑیاں توڑ دیں، چیف جسٹس آف پاکستان سے اپیل ہے کہ پنجاب میں ہونے والی لاقانونیت کا نوٹس لیں۔

سابق وزیراعلیٰ پنجاب و مرکزی صدر پاکستان تحریک انصاف چودھری پرویزالٰہی نے مزید کہا کہ انتخابی شیڈول آچکا ہے مگر انتخابی ریلی کی اجازت نہیں دی جا رہی ہے۔

یہ بھی پڑھیں؛ معاشرے کی ترقی کے لئے معاشی و سماجی انصاف ضروری ہے، چودھری پرویز الٰہی

اس موقع پر وفد میں طاہر نصر اللہ وڑائچ ممبر پاکستان بار کونسل، عامر سعید راں سابق سیکرٹری لاہور ہائیکورٹ بار، ثاقب اکرم گوندل، نواز ورک، خواجہ عمیض شریک تھے۔