نواز شریف اور عمران خان برابر نہیں ہو سکتے، پرویز الٰہی

سید خاور عباس ہاشمی

04th Mar, 2023. 04:11 pm
شيئر
- Font size
  - Small
  - Medium
  - Large
- Dark Mode
- Save
- Print

آرٹیکلز

Now Reading:

نواز شریف اور عمران خان برابر نہیں ہو سکتے، پرویز الٰہی

سابق وزیر اعلیٰ پنجاب پرویز الٰہی نے کہا ہے کہ نواز شریف اور عمران خان برابر نہیں ہو سکتے۔

تفصیلات کے مطابق چودھری پرویز الٰہی وکلاء سے گفتگو کرتے ہوئے کہا کہ عمران خان نے الیکشن مہم کا آغاز کر دیا، اب وہ وقت دور نہیں جب وہ وزیر اعظم ہونگے، ملکی معیشت کا بیڑہ غرق شہباز شریف ٹولے نے کیا اور الزام عمران خان پر لگ رہا ہے، یہ عوام کے غضب سے نہیں بچ سکتے، مریم نواز عدلیہ اور اداروں پر تنقید کر کے کیا حاصل کرنا چاہتی ہیں؟

چودھری پرویز الٰہی نے کہا کہ پنجاب میں الیکشن کی تاریخ آچکی کارکن تیاری شروع کر دیں، موجودہ مسائل کا واحد حل انتخابات ہی ہیں، حکمرانوں کو اپنے کیے کا حساب عوام کو دینا ہو گا، نگران حکومت اپنے اختیارات سے تجاوز کر رہی ہے، مشکل معاشی حالات میں ملک ڈوبا ہوا ہے اور پی ڈی ایم ٹولے کے غیر ملکی دورے ختم نہیں ہو رہے۔

پرویز الہٰی نے کہا کہ ہائی کورٹ نے محسن نقوی کو ہمارے منصوبوں پر اپنی تختیاں لگانے کا مزہ چاکھا دیا ہے، محسن نقوی اپنے مینڈیٹ سے تجاوز نہیں کر سکتے اب اس کو چس آگئی ہو گی، اب آرام کریں اور جو کام ہے وہ کریں نہ ان سے مہنگائی کنٹرول ہو رہی ہے اور نہ امن وامان، بڑے شوباز کی طرح چھوٹے شوباز بننے کی کوشش نہ کریں۔

ضرور پڑھیں؛ کپتان کا حماد اظہر کو لاہور سے میدان میں اتارنے کا فیصلہ