کراچی کے علاقے بہادر آباد میں مسلح ملزمان بلڈر سے 5 کروڑ 94 لاکھ روپے لوٹ کر فرار ہوگئے۔

پولیس کے مطابق راحیل عبدالغفار نے بہادر آباد تھانے میں ایف آئی آر درج کرائی کہ وہ ڈیفنس فیز 4 کے رہائشی اور تعمیراتی کام سے وابستہ ہے۔

مدعی کے مطابق وہ گزشتہ رات اپنے بہادر آباد آفس سے رقم لے کر گاڑی میں نکلا تو دوسری کار میں سوار ملزمان نے سپر اسٹور کے قریب موٹر سائیکل پر سوار دونوں ملزمان کے ہمراہ اسے روک لیا۔

ایف آئی آر کے مطابق ملزمان نے گاڑی سے بلڈر کا موبائل فون نکالا اور پھر گاڑی لے کر فرار ہوگئے۔

راحیل عبدالغفار کے مطابق گاڑی کے ٹرنک میں 5 کروڑ 94 لاکھ روپے اور دیگر قیمتی سامان موجود تھا۔

یہ بھی پڑھیں: کراچی: سی ٹی ڈی بڑی کارروائی، 2 ملزمان اسلحہ سمیت گرفتار

پولیس کے مطابق اس سلسلے میں چاروں ملزمان کے خلاف مقدمہ درج کر لیا گیا ہے۔

دوسری جانب کراچی میں رواں سال کی سب سے بڑی ڈکیتی کے معاملے پر  تفتیشی ٹیم کی جانب سے تحقیقات کا آغاز کردیا گیا ہے۔

پولیس حکام کا کہنا ہے کہ ابتدائی طور پر ڈکیتی کی واردات انفارمیشن کی بنیاد پر لگتی ہے تاہمجائے وقوع اور اس کے اطراف کی سی سی ٹی فوٹیج حاصل کی جارہی ہیں۔

بیشتر مقامات پر رات دکانیں بند ہونے کی وجہ سے سی سی ٹی وی فوٹیج حاصل نہیں کرسکے۔

پولیس کے مطابق ملزمان واردات کے بعد چھینی ہوئی گاڑی اور موبائل فون چھوڑ کر فرار ہوگئے تھے، گاڑی کا فارنزک کرایا جارہا ہے گاڑی سے فنگر پرنٹس حاصل کرکے نادرا کو بھیجے جائے گے ۔

پولیس کا کہنا ہے کہ جیوفینسنگ کا آغاز کیا جارہا ہے بڑی وارداتوں میں ملوث ملزمان کا ڈیٹا حاصل کیا جارہا ہے۔