خواتین کی خدمات قابل تحسین ہیں، غلام علی

ویب ڈیسک

08th Mar, 2023. 10:13 pm
شيئر
- Font size
  - Small
  - Medium
  - Large
- Dark Mode
- Save
- Print

آرٹیکلز

Now Reading:

خواتین کی خدمات قابل تحسین ہیں، غلام علی

گورنر خیبرپختونخوا حاجی غلام علی نے کہا ہے کہ خواتین کی خدمات قابل تحسین ہیں۔

تفصیلات کے مطابق گورنر خیبرپختونخوا حاجی غلام علی نے خواتین کے عالمی دن پر منعقدہ تقریب میں بحیثیت مہمان خصوصی شرکت کی اور گفتگو کرتے ہوئے کہا کہ دور جاہلیت میں بیٹیوں کو دفن کر دیا جاتا تھا، ہمارے مذہب اسلام نے خاتون کو بطور بہن، بیٹی، ماں، بیوی تمام حقوق دئیے ہیں، خواتین کو اگر کسی نے برابری کے حقوق دیئے تو وہ دین اسلام نے دیئے ہیں۔

انہوں نے کہا کہ اسلامی تعلیمات پر عمل سے ہی خواتین سمیت تمام انسانوں کے حقوق کا پتہ چلتا ہے، فتنہ کے دور سے نجات اسلامی تعلیمات پر عملدرآمد سے ہی ممکن ہے۔

گورنر خیبرپختونخوا حاجی غلام علی نے مزید کہا کہ آج کی خاتون تعلیم یافتہ اور باشعور اور خودمختار ہے، پولیو ٹیم میں شامل خواتین کی خدمات قابل تحسین ہیں، پولیو ٹیم میں شامل خواتین اپنی ڈیوٹی کو عبادت سمجھ کر ادا کریں۔

اس موقع پر انسداد پولیو مہم، ایمرجنسی آپریشنز سنٹر کے زیراہتمام منعقدہ تقریب میں چیف سیکرٹری امداداللہ بوسال نے بھی شرکت کی۔

یہ بھی پڑھیں؛ خیبرپختونخوا کے نامزد گورنر حاجی غلام علی نے عہدے کا حلف اٹھا لیا