وزیر دفاع خواجہ محمد آصف نے کہا ہے کہ آنے والے دنوں میں حالات بہتری کی طرف جائیں گے۔

وفاقی وزیر خواجہ آصف نے سیالکوٹ میں صعنت کاروں سے خطاب کرتے ہوئے کہا کہ ملک سنگین معاشی صورتحال سے دوچار ہے، عام شہری بھی ان حالات سے گزر رہا ہے۔

انہوں نے کہا کہ حکومت کو ان حالات کا ادراک ہے، آنے والے دنوں میں حالات بہتری کی طرف جائیں گے۔

خواجہ آصف نے کہا کہ جہاں انڈسٹری موجود ہے وہاں بیورو کریسی کا رویہ ٹھیک نہیں ہے، چیمبر کی سیاست میں بھی ہماری سیاست کی طرح ہتھکنڈے استعمال کیے جاتے ہیں۔

وفاقی وزیر نے کہا کہ ایک صوبے میں چیمبروں کے سارے ووٹ ہی جعلی ہیں، چیمبر کی سیاست میں جعلی ووٹ اور اسٹیبلشمنٹ کا کردار ہوتا ہے۔

یہ بھی پڑھیں: مسلم لیگ (ن) ہمیشہ غریب عوام کی فلاح کا سوچتی ہے، خواجہ آصف

انکا کہنا ہے کہ کچھ ایسے ادارے ہیں جن کا نام لیتے ہوئے سب ڈرتے ہیں، معلوم ہے کہ سیال انٹر نیشنل ایئر لائن کے راہ میں ہماری گورنمنٹ کی جانب سے رکاوٹ آرہی ہے۔

خواجہ آصف نے مزید کہا کہ 73 پرسنٹ بچیاں ڈاکٹر بن کے پریکٹس نہیں کرتیں، ماں باپ صرف بچیوں کو اس لئے ڈاکٹر بنا دیتے ہیں کہ ان کو اچھے رشتے مل جائیں۔

نوید قمر کا خطاب

دوسری جانب وفاقی وزیر کامرس نوید قمر نے بھی صعنت کاروں سے خطاب کرتے ہوئے کہا کہ خواتین پاکستانی معیشت کا بہت بڑا ستون ہیں۔

نوید قمر نے کہا کہ سیالکوٹ نے ملکی معشیت میں اہم کردار ادا کیا ہے، نجی ایئر پورٹ اور ایئرلائن بنانا بہت بڑی کامیابی ہے۔

وفاقی وزیر نے مزید کہا کہ دنیا کے بڑے ملکوں میں کوورڈ کے باعث اکانوی ہر اثرات مرتب ہوئے ہیں۔