رمضان میں عمرے کی سعادت حاصل کرنے والوں کیلئے بڑی خوشخبری

ویب ڈیسک

20th Mar, 2023. 05:37 pm
شيئر
- Font size
  - Small
  - Medium
  - Large
- Dark Mode
- Save
- Print

آرٹیکلز

Now Reading:

رمضان میں عمرے کی سعادت حاصل کرنے والوں کیلئے بڑی خوشخبری

رمضان میں عمرے کی سعادت حاصل کرنے والوں کیلئے بڑی خوشخبری آگئی ہے۔

سعودی میڈیا کے مطابق مدینہ منورہ اور مسجد نبوی میں سیکیورٹی امورکے نگران سعودالصاعدی نے کہا ہے کہ ’ ماہ رمضان کے دوران زائرین کے استقبال کی تمام تیاریاں مکمل کرلی گئی ہیں ‘۔

سعودالصاعدی نے کہا کہ ’ ماہ رمضان میں زائرین کی سہولت کے لیے تمام دروازے کھول دیے جائیں گے ‘۔

انہوں نے کہا ہے کہ ’ مسجد نبوی کے مجموعی دروازوں کی تعداد 100 ہے جو مسجد کی چاروں سمتوں میں ہیں تاکہ ہر جانب سے آنے والوں کو آسانی ہو اور انہیں کسی دقت کا سامنا نہ کرنا پڑے ‘۔

سعودالصاعدی نے کہا کہ ’ مسجد نبوی کے صحن کی چھت پرجانے کے لیے خودکار زینے مکمل طور پرکام کررہے ہیں جبکہ دیکھ بھال اوراصلاح ومرمت کی ٹیمیں بھی ہمہ وقت موجود ہوتی ہیں ‘۔

مدینہ منورہ اور مسجد نبوی میں سیکیورٹی امورکے نگران نے کہا کہ ’ مسجد نبوی میں افطار کرانے والوں کیلئے بھی خصوصی انتظامات کیے گئے ہیں جس کے تحت افطاری دسترخوان لے جانے کیلئے دروازوں کو مخصوص کیا گیا ہے تاکہ عام لوگوں کو آمدورفت میں رکاوٹ کا سامنا نہ کرنا پڑے ‘۔