قائد حزب اختلاف سندھ حلیم عادل شیخ نے وزیراعلیٰ سندھ مراد علی شاہ سے سوال کیا ہے کہ کراچی کے لوگوں کو کون تحفظ دے گا؟

کراچی میں بڑھتے ہوئے اسٹریٹ کرائم کے واقعات پر سندھ اسمبلی میں اپوزیشن لیڈر حلیم عادل شیخ نے اپنے وڈیو بیان میں کہا کہ کراچی کے شہریوں کو ڈاکوؤں کے رحم و کرم پر چھوڑ دیا گیا ہے۔

کراچی کے شہریوں کو ڈاکوئوں کے رحم و کرم پر چھوڑ دیا گیا ہے،گزشتہ2ماہ میں 7 ہزار اسٹریٹ کرائم کے واقعات ہوچکے ہیں،26شہریوں کو دوران مزاحمت قتل کر دیا گیا ہے،پولیس سیاسی بن کر غلامی کر رہی ہے، مراد علی شاہ جواب دیں آپ کی پولیس کہاں لگی ہوئی ہے؟ پولیس سیاسی بن کر غلامی کررہی ہے۔ pic.twitter.com/0uhNeomea6

— Haleem Adil Sheikh (@HaleemAdil) March 8, 2023

انہوں نے کہا کہ گزشتہ دو ماہ میں 7 ہزار اسٹریٹ کرائم کے واقعات ہوچکے ہیں، 26 شہریوں کو دوران مزاحمت قتل کر دیا گیا ہے۔

حلیم عادل شیخ نے کہا کہ بائیس سو سے زائد موبائل چھینے جاچکے ہیں، شہری موبائل ڈکیتی کی رپورٹ نہیں لکھواتے تعداد کئی گناہ زیادہ ہے، گھر سے نکلنے کے بعد واپس آنے کا کچھ پتہ نہیں ہوتا۔

انکا کہنا ہے کہ کراچی میں اسٹریٹ کرائم میں بے حد اصافہ ہوچکا ہے، پولیس دو نمبر کے دھندوں میں لگی ہوئی ہے، پولیس سیاسی بن کر غلامی کر رہی ہے۔

یہ بھی پڑھیں؛ کراچی: رواں سال کی سب سے بڑی ڈکیتی کی واردات، ملزمان 5 کروڑ 94 لاکھ روپے لوٹ کر فرار

اپوزیشن لیڈر سندھ اسمبلی نے کہا کہ شہر کراچی کے لوگوں کو کون تحفظ دے گا؟ مراد علی شاہ جواب دیں آپ کی پولیس کہاں لگی ہوئی ہے؟

حلیم عادل شیخ نے مزید کہا کہ جس نے پورے شہر کی حفاظت کرنی تھی وہاں بھی حملہ ہوجاتا ہے، کے پی او آفیس میں دہشت گردی کا واقعہ حکومت کی ناکامی تھا۔

 اسٹریٹ کرائم ختم نہ ہونے کی وجہ 

کراچی میں اسٹریٹ کرائم ختم نہ ہونے کی انتہائی اہم وجہ سامنے آگئی۔

شہر بھر کی موبائل مارکیٹ میں چوری کی موبائل فون کی خرید فروخت کا انکشاف ہوا ہے ۔ بلال کالونی اور سرسید پولیس کی مشترکہ کاروائی میں گرفتار اسٹریٹ کرمنل نے دوران تفتیش اہم انکشافات کیے۔

گرفتار ملزم جبار کا ویڈیو بیان سامنے آگیا، ملزم اعلیٰ تعلیم یافتہ ہے بی ٹیک کی الیکٹرانک ڈگری ہولڈر ہے جو شوقیہ سافٹ وئر کی دکان چلاتا تھا۔

یہ بھی پڑھیں: شہر قائد اسٹریٹ کرائم کا گڑھ بن گیا، ڈکیتی اور چھینا جھپٹی کی وارداتیں عام

ملزمان کے مطابق شہر کی مارکیٹوں میں چوری کے موبائل فون کے ائی ائی ایم ائی نمبر باآسانی تبدیل کیے جاتے ہیں، سستے فون 1500 اور مہنگے فون 3 سے 4 ہزار روپے میں تبدیل ہوجاتے ہیں۔

گرفتار ملزمان نے دوران تفتیش بتایا کہ دھندے میں موبائل رپیر کرنے والے اور سوفٹ وئر کا کام کرنے والے شامل ہیں۔

پولیس کا کہنا تھا کہ گرفتار ملزم نے موبائل کا ای ایم ائی تبدیل کر کے بھی دیکھایا ، گرفتار ملزمان کے چار رکنی گینگ کی تین ساتھیوں کی تلاش جاری ہے۔