سابق وزیر جیل خانہ جات فیاض الحسن چوہان نے کہا ہے کہ ہمیں امید ہے کہ سپریم کورٹ آئیں کا دفاع کرے گی۔

تفصیلات کے مطابق فیاض الحسن چوہان نے میڈیا سے گفتگو کرتے ہوئے کہا کہ ہم آج بھی راولپنڈی کی عدالت میں پیشی کے لیے آئے ہیں، ہم حاضر ہیں حالانکہ اس وقت کچھہ بھی نہیں ہؤا تھا کوئی قانون نہیں توڑا تھا، رانا ثنا اللہ کہتا ہے کہ یا ہم رہیں گے یا عمران خان رہیں گے۔

فیاض الحسن چوہان نے کہا کہ میں چیف جسٹس سے مطالبہ کروں گا کہ وہ کیا اس بات کا نوٹس لیں، کہیں افراد کا قاتل سب سے بڑی سیاسی جماعت کے لیڈر کے متعلق کہتا ہے کہ یا وہ رہے گا یا ہم، اس کا جواب کوئی بھی قانونی طور پر مجھے بتا دیں گے اس کا مطلب کیا ہے، اس نے برملا جو دھمکی لگائی اس پر عدالتی سسٹم نے کیا نوٹس لیاَ؟

ان کا کہنا تھا کہ رانا ثنا اللہ کو فی الفور گرفتار کیا جائے اور شامل تفتیش کیا جائے، تمام دنیا کے میڈیا کے سامنے کہا عمران خان کے وجود کو نہیں مانتے، میں 8واں پرچہ بھگت رہا ہوں عمران خان پر 120 پرچے جھیل رہے ہیں، ایک ایک دن میں پندرہ پندرہ پرچے عمران خان پر درج کیے گئے ہیں، انھوں نے ایک سال میں دیوالیہ نکال دیا ہے آئی ایم ایف انہیں کچھ نہیں دے رہا ہے۔

انہوں نے کہا کہ الیکشن ان کی چھیڑ بن گئی ہے اس سے بھاگ رہے ہیں، کیونکہ یہ جانتے ہیں کہ عوام ان کو ووٹ نہیں دے گی، ہمیں امید ہے سپریم کورٹ آئین کا دفاع کرے گی، جو الیکشن کی تاریخ دی گئی ہے اس پر الیکشن کرائیں گے۔

ضرور پڑھیں؛ قائمہ کمیٹی برائے قانون کا اجلاس: سپریم کورٹ پریکٹس اور پروسیجر بل 2023ء پر بحث