پاکستان تحریک انصاف کے رہنما فرخ حبیب نے کہا ہے کہ رانا ثناء اللہ کا ایک ہی مشن اور ایجنڈا ہے کہ اپنے سیاسی مخالفین کے خلاف کیسز بناؤ۔

تفصیلات کے مطابق  پی ٹی آئی رہنما فرخ حبیب نے میڈیا سے گفتگو کرتے ہوئے کہا کہ حکومت کا کام ہے روزگار پیدا کرنا مہنگائی کم کرنا انہوں نے سب الٹا کر دیا ہے ، آج ملک میں مہنگائی 70 سال کا ریکارڈ توڑ چکی ہے۔

انہوں نے کہا کہ شہباز شریف نے بجلی کا بل بڑھا دیا، آٹا مہنگا کردیا ہے جبکہ اسحاق ڈار نے معیشت کا براحال کردیا ہے۔

یہ بھی پڑھیں: انتقامی کارروائیاں حقیقی آزادی کا راستہ نہیں روک سکتیں، فرخ حبیب

انہوں نے مزید کہا کہ شہباز اسپیڈ نے آٹا، بجلی اور کسی شے کوئی نہیں بخشا ہے اور ہر شے مہنگی ہوگئی ہے ، ڈالر کہاں سے کہاں پہنچ گیا ہے اور حکمران سیاسی انتقام میں مصروف عمل ہیں۔

اس سے قبل انہوں نے اپنے بیان میں کہا کہ توہین ویگو میں میرے پر مقدمہ بنایا رانا ثناء کی گیدڑ بھبکیاں ہیں، جن کو تعینات کیا گیا وہ رانا ثناء اللہ کے لوگ ہیں، رانا ثناء اللہ کی تعیناتیوں سے گھبرانے والے نہیں، مریم نواز کو جیل میں ٹافی، بسکٹ اور سینڈوچ ملتے تھے۔ عدالت نے میرے خلاف الزامات مسترد کردیئے۔

فرخ حبیب نے کہا کہ انسانی حقوق کی بدترین خلاف ورزیاں کی جارہی ہیں، کوٹ لکھپت جیل سے لیہ، بھکراور دیگرجیل بھیج دیا۔ آج راولپنڈی سے لوگ نکلیں گے۔

انکا کہنا ہے کہ نوٹسسز راستہ نہیں روک سکتے، نوٹس ملیا ککھ نہ ہلیا، لوگ مہنگائی کے خلاف باہر نکل رہے ہیں، حکومت کی ناانصافیوں کے خلاف باہر نکل رہے ہیں۔