تنویر الیاس نے زراعت کے فروغ کیلیے اقدامات کا اعلان کردیا

ویب ڈیسک

05th Mar, 2023. 06:40 pm
شيئر
- Font size
  - Small
  - Medium
  - Large
- Dark Mode
- Save
- Print

آرٹیکلز

Now Reading:

تنویر الیاس نے زراعت کے فروغ کیلیے اقدامات کا اعلان کردیا

وزیراعظم آزاد کشمیر سردار تنویر الیاس خان نے زراعت کے فروغ اور جانوروں کی افزائش کیلیے دوررس اقدامات کا اعلان کردیا ہے۔

تفصیلات کے مطابق وزیراعظم آزاد کشمیر سردار تنویر الیاس نے اپنے ایک بیان میں کہا کہ رواں سال 1 اپریل سے 7 اپریل ایام زراعت منایا جایا گا اور 15 مارچ سے 27 اپریل آیام فش منایا جائے گا۔

انہوں نے کہا کہ قابل کاشت زمین کاشت نہ کرنے پر 50 ہزار روپے فی کنال جرمانہ ہوگا، زرخیز زمین پر تعمیرات پر پابندی ہوگی جبکہ خلاف ورزی کی صورت میں جرمانہ ہوگا۔

ان کا کہنا تھا کہ محکمہ فشریز کو 3 ارب روپے کی مچھلی پالنے کا ٹارگٹ دیا جائے گا۔

وزیراعظم آزاد کشمیر سردار تنویر الیاس نے کہا کہ وائلڈ لائف اور لائیو سٹاک کے حوالے سے آزادکشمیر کے سکولوں اور کالجوں میں سپیشل دن منایا جائے گا۔

انہوں نے کہا کہ انگورا خرگوش اور ابریشم لوگوں میں مفت تقسیم کئے جائیں گے۔

ان کا کہنا تھا کہ پھلدار پودوں کو فروغ دیا جائے گا، 5 مرلے کے گھر میں 3 پھلدار پودے اور کچن گارڈننگ لازمی قرار دی جائے گی۔

وزیراعظم آزاد کشمیر سردار تنویر الیاس نے مزید کہا کہ گلگت حکومت کے ساتھ ملکر فارم ہاؤسز آزادکشمیر میں بنائے جائیں گے۔