پی ٹی آئی رہنما حماد اظہر نے کہا ہے کہ عمران خان کی آواز کوئی بند نہیں کر سکتا ہے۔

تفصیلات کے مطابق پی ٹی آئی رہنما حماد اظہر نے اپنے ایک بیان میں کہا کہ کچھ اوزار ہیں جن سے جمہوریت پر شب خون مارا جاتا ہے، میڈیا بلیک آؤٹ، جھوٹے پرچے، برہنہ کر کے مارنا یہ سب ڈرانے کے طریقے ہیں جبکہ سڑکوں پر درجہ حرارت کا انکو اندازہ نہیں ہے، عمران خان کی آواز اب کوئی مائی کا لال بند نہیں کر سکتا اب ہم ہر گلی میں سکرینیں لگا دینگے۔

انہوں نے کہا کہ یہ سب غیر قانونی ہے کورٹ کا واضع حکم ہے کہ کسی سیاسی شخصیت کی آواز بند نہیں کی جا سکتی ہے، سارے چینل ایک جیسے نہیں ہوتے جیسے ایک چینل شریف خاندان نے رکھا ہوا ہے، سب چینل گھر کے چینل تو نہیں بن سکتے۔

ان کا کہنا تھا کہ بلاول اور مریم کے پاس بولنے کو بھی کچھ نہیں ہے اور ان کی کوئی سنتا بھی نہیں ہے۔

ان کا یہ بھی کہنا تھا کہ عمران خان کی گاڑی بمب اور بلٹ پروف ہے اور خان صاحب گاڑی سے باہر نہیں نکلیں گے، خان صاحب سارے کیسز میں ہر جگہ تو پیش نہیں ہو سکتے، ہم ڈی سی لاہور سے درخواست کرینگے کہ فول پروف سیکیورٹی انتظامات کئے جائیں۔

یہ بھی پڑھیں؛ پی ڈی ایم حکومت پاکستان کی تاریخ کا سب سے بڑا سانحہ ہے، حماد اظہر

حماد اظہر نے کہا کہ وسیع ترین اصلاحات آئیں گی ہر سطح پر معاشی بھی انتظامی بھی، ہمیں یا کوئی بھی آئے آئی ایم ایف تو جانا ہوگا مگر وہ حل نہیں ہے حل اصلاحات ہیں جو بہت ضروری ہے۔

انہوں نے کہا کہ رانا ثناء اللہ سب سے چھوٹا پیادہ ہے اصل محرکات پیچھے ہوتے ہیں، کب سے معاملہ چل رہا ہے حمزہ کی جعلی حکومت بنائی گئی وہ ہم نے چھینی اور انہوں نے 9 کم اکثریت والے حلقے چنے وہ بھی ہم جیتے پھر چوہدریوں کو پیچھے کروانے کی کوشش کی گئی جبکہ کسی بھی سازش میں یہ کامیاب نہیں ہو ئے۔

یہ بھی پڑھیں؛ پاکستان کی جمہوریت، عدلیہ اور معیشت خطرے میں ہے ،حماد اظہر

پی ٹی آئی رہنما حماد اظہر نے مزید کہا کہ عدالتی فیصلے تو آچکے ہیں صوبوں میں تو الیکشن ہونگے جبکہ وفاقی حکومت بھی ان سے چل نہیں رہی ہے، بنتا تو یہی ہے کہ عام انتخابات کی جانب جایا جائے۔