اسلام آباد: صدر مملکت ڈاکٹر عارف علوی صدر مملکت کی جانب سے آن لائن تعلیم کے فروغ کی ضرورت پر زور دیا گیا ہے۔

تفصیلات کے مطابق صدر ڈاکٹر عارف علوی سے اسلامی تعلیمی، سائنسی و ثقافتی تنظیم کے ڈائریکٹر جنرل، سلیم ایم الملک کی ملاقات ہوئی۔

صدر مملکت ڈاکٹر عارف علوی سے اسلامی تعلیمی، سائنسی و ثقافتی تنظیم کے ڈائریکٹر جنرل سلیم ایم الملک کی ملاقات

صدر مملکت کا اسلامی ممالک کی جامعات کے درمیان تعاون بڑھانے کی ضرورت پر زور

Advertisement

ثقافتی اور تعلیمی اداروں کو سپورٹ کرنے، تحقیق کے فروغ کیلئے باہمی تعاون کی ضرورت ہے، صدر مملکت pic.twitter.com/wDDGRfnpRM

— The President of Pakistan (@PresOfPakistan) March 22, 2023

صدر مملکت نے اسلامی ممالک کی جامعات کے درمیان تعاون بڑھانے کی ضرورت پر زور دیتے ہوئے کہا کہ ثقافتی اور تعلیمی اداروں کو سپورٹ کرنے، تحقیق کے فروغ کیلئے باہمی تعاون کی ضرورت ہے۔

انہوں نے کہا کہ اسلامی دنیا کی جامعات آبی وسائل، ماحولیات، سائنس و ٹیکنالوجی اور مصنوعی ذہانت کے شعبوں میں تعاون کو بڑھائیں۔

قبل ازیں صدر مملکت نے ڈائریکٹر جنرل، ڈاکٹر جنرل، سلیم ایم الملک کو قائداعظم یونیورسٹی کی جانب سے پی ایچ ڈی کی اعزازی ڈگری بھی عطا کی۔

ڈاکٹر سلیم ایم الملک کو اسلامی ممالک کے درمیان تعلیم اور تحقیق کے شعبوں میں تعاون کو فروغ دینے کیلئے خدمات کے اعتراف میں اعزازی ڈگری عطا کی گئی۔

صدر مملکت نے سائبر سیکیورٹی اور مصنوعی ذہانت پر توجہ دینے کی ضرورت پر بھی زور دیتے ہوئے کہا کہ جامعات کو سماجی اور اقتصادی ترقی کی رفتار تیز کرنے کیلئے انسانی وسائل تیار کرنا ہوں گے۔

اس سے قبل صدر مملکت ڈاکٹر عارف علوی نے قومی اقتصادی کونسل کی تشکیل نو کی منظوری دے دی۔

قومی اقتصادی کونسل کی تشکیل ِنو پنجاب اور خیبر پختونخوا میں نئی حکومتوں کے قیام کے باعث کی گئی۔

پنجاب سے ایس ایم تنویر، وزیر توانائی، صنعت، تجارت، سرمایہ کاری اور ہنر سازی، بطور ممبر قومی اقتصادی کونسل تعینات کیا گیا ہے۔

اس کے علاوہ خیبر پختونخوا سے حمایت اللہ خان، مشیر خزانہ اور توانائی، بطور قومی اقتصادی کونسل تعینات کیا گیا ہے۔

صدر مملکت نے تشکیل نو کی منظوری آئین کے آرٹیکل 156 ایک کے تحت وزیر اعظم کی ایڈوائس پر دی۔