10 دن تک طوفانی بارشیں، کس شہر میں کب بادل برسیں گے؟ محکمہ موسمیات نے بتادیا

ویب ڈیسک

27th Apr, 2023. 03:02 pm
شيئر
- Font size
  - Small
  - Medium
  - Large
- Dark Mode
- Save
- Print

آرٹیکلز

Now Reading:

10 دن تک طوفانی بارشیں، کس شہر میں کب بادل برسیں گے؟ محکمہ موسمیات نے بتادیا

10 دن تک کس شہر میں طوفانی بارشیں ہوں گی اس حوالے سے محکمہ موسمیات کا اہم بیان آ گیا ہے۔

تفصیلات کے مطابق محکمہ موسمیات کا کہنا ہے کہ 28 اپریل سے 7 مئی تک کراچی سے کشمیر تک بارش کا امکان ہے جبکہ آج کوئٹہ سمیت بلوچستان کے ساحلی علاقوں میں بارش کی پیش گوئی کی ہے جس کے اثرات کراچی اور گوادر میں آنا شروع ہوگئے ہیں۔

محکمہ موسمیات کے مطابق آج سندھ کے بیشتر اضلاع میں موسم گرم اور خشک رہے گا جبکہ دوپہر میں گرد آلود ہوائیں چلنے کا امکان ہے، کوئٹہ، نوشکی اور گردونواح میں تیز ہواؤں کے ساتھ ہلکی بارش متوقع ہے۔

پنجاب، سندھ اور خیبر پختونخوا کے 90 فیصد علاقوں میں کہیں ہلکی اور کہیں موسلادھار بارش اور ژالہ باری ہوگی۔

بلوچستان کے ساحلی علاقوں میں تیز ہواؤں کے سبب گوادر، پسنی اور اورماڑہ کے سمندر میں طغیانی جبکہ اربن فلڈنگ کا بھی خدشہ ہے۔

محکمہ موسمیات نے بتایا کہ آنے والا سسٹم 2019 کے بعد اب تک کا سب سے طاقتور سسٹم ہوسکتا ہے۔ بلوچستان کے سمندر میں طغیانی کے خدشہ کے باعث الرٹ جاری کیا گیا ہے جبکہ سسٹم بحیرہ عرب میں داخل ہونا شروع ہوگیا ہے۔