سستا پیٹرول اسکیم سے متعلق انتہائی اہم خبر آگئی

ویب ڈیسک

18th Apr, 2023. 02:25 pm
شيئر
- Font size
  - Small
  - Medium
  - Large
- Dark Mode
- Save
- Print

آرٹیکلز

Now Reading:

سستا پیٹرول اسکیم سے متعلق انتہائی اہم خبر آگئی

سستا پیٹرول اسکیم سے متعلق انتہائی اہم خبر آگئی ہے۔

تفصیلات کے مطابق وزیر مملکت برائے پٹرولیم مصدق ملک نے سستا پٹرول اسکیم سے متعلق گفتگو کرتے ہوئے کہا کہ آئی ایم ایف نے مجھ سے باضابطہ رابطہ نہیں کیا، سستا پٹرول سکیم کے متعلق آئی ایم ایف کو جو بھی چیزیں درکار ہوں گی ہم فراہم کریں گے۔

ان کا کہنا تھا کہ آئی ایم ایف اور ملکی ترقی کے راستے میں روڑے نہیں اٹکانے لیکن کوئی باضابطہ رابطہ نہیں ہوا، کچھ چیزوں پر ابھی بھی ریسرچ چل رہی ہے، آئی ایم ایف کے سامنے ایک فریم ورک بھی لاسکتے ہیں۔

انہوں نے کہا کہ مجھے اخباری خبروں کے ذریعے اعتراضات کا علم ہوا، سستا پٹرول اسکیم کے متعلق وزارت خزانہ کے سوالات آتے رہے ہیں اور اس کے جوابات دیتے رہے ہیں، کابینہ میں سستا پٹرول کی اسکیم کے متعلق کوئی چیز زیرِ بحث نہیں آئی۔

وزیر مملکت برائے پٹرولیم مصدق ملک کا مزید کہنا تھا کہ دو کروڑ 20 لاکھ موٹر سائیکل ہیں جن کے لیے ڈیٹا بیس بنانا مشکل ہے، سستے پٹرول اسکیم پر کام جاری ہے، سستا پٹرول اسکیم کی مدت چھ ہفتے تھی لیکن اب اس کی مدت میں اضافہ ہوسکتا ہے۔