پاکستان تحریک انصاف (پی ٹی آئی) کے سینئر رہنما حماد اظہر کے کوآرڈینیٹر انجینئر محمد عمیر نے پیپلز پارٹی میں شمولیت اختیار کرلی ہے۔
تفصیلات کے مطابق پاکستان پیپلز پارٹی سینٹرل سیکرٹریٹ میں سیکرٹری جنرل سید نیئر حسین بخاری سے انجینئر محمد عمیر نے ملاقات کی اور پیپلز پارٹی میں باقاعدہ شمولیت کا اعلان کیا۔

اس موقع پر سید نیئر حسین بخاری کا کہنا تھا کہ پیپلز پارٹی ایک وفاقی جماعت ہے ہماری قیادت اور کارکنوں نے آئین کی بالادستی، قانون کی حکمرانی اور جمہوریت کے استحکام کے لئے جہد مسلسل میں شہادتیں دی ہیں، موجود جمہوری نظام پیپلز پارٹی قیادت کی قربانیوں کا ثمر ہے۔
انہوں نے کہا صدر آصف زرداری اور بلاول بھٹو زرداری نے اپوزیشن کے تعاون سے جمہوری نظام کے تسلسل کو یقینی بنایا جبکہ آئین و قانون اقدامات کے مجرمین کو آئینی ہتھیار عدم اعتماد کے ذریعے نکالا۔
نیر بخاری نے کہا کہ پیپلز پارٹی کارکردگی کی بنیاد پر انتخابات میں اپنے نشان منشور پروگرام پر حصہ لے گی، پیپلز پارٹی عوامی جماعت ہے اور اسکے دروازے تمام جمہوریت پسند لوگوں کے لیے ہمیشہ کھلے ہیں۔
اس موقع پر انجینئر ایم عمیر نے کہا کہ میں جمہوری روایات اور جمہوریت پسند پارٹی پیپلز پارٹی کا حصہ بن رہا ہوں جو میرے لیے فخر کا باعث ہے، پیپلز پارٹی عوامی جماعت ہے جو آئین کی بالادستی اور اداروں کے آئینی حدود میں رہ کر کام کرنے پریقین رکھتی ہے۔
مزید پڑھیں
Catch all the Business News, Breaking News Event and Latest News Updates on The BOL News
Download The BOL News App to get the Daily News Update & Live News
