سابق اسپیکر قومی اسمبلی اسد قیصر نے کہا ہے کہ پاکستان تحریک انصاف کے خلاف یکطرفہ پروپیگنڈا کیا جارہا ہے۔

تفصیلات کے مطابق سابق اسپیکر قومی اسمبلی اسد قیصر نے اپنے ایک بیان میں کہا کہ ہمارے ورکرز اور لیڈرز کے خلاف غیر قانونی کارروائی جاری ہے، روزانہ چادر چار دیواری کا تقدس پامال کرکہ لوگوں کے گھروں پر چھاپے مارے جارہے ہیں، ہمیں قانون کے اندر رہتے ہوئے اپنی جدوجہد جاری رکھنے سے بھی محروم کیا جارہا ہے۔

انہوں نے کہا کہ آزادی اظہار رائے اور اسی نقطہ نظر بیان کرنے کی ہر شہری کو آزادی حاصل ہے، شہرام ترکئی اور ہمارے ڈسٹری صدر کے ساتھ ناروا سلوک کیا گیا، یہ لوگ ملک میں ترقی و استحکام نہیں چاہتے، طاقت کا بے دریغ استعمال کیا جارہا ہے۔

ان کا کہنا تھا کہ پلان کے مطابق پاکستان تحریک انصاف کو انتخابات سے باہر رکھنے کی کوشش کی جارہی ہے، کیا اس قسم کے انتخابات قبال قبول ہوں گے؟ کیا اس سے استحکام آئے گا؟

اسد قیصر نے کہا کہ چیئرمین پی ٹی آئی اور تحریک انصاف کے خلاف یکطرفہ پروپیگنڈا کیا جارہا ہے، کیا اس قسم کے پروپیگنڈا سے تحریک انصاف کو یہ ختم کرسکتے ہیں؟

 انہوں نے کہا کہ پی ڈی ایم اور حکمران جماعت پی ٹی آئی اور چیئرمین پی ٹی آئی کے خلاف غیر قانونی کارروائیوں میں ملوث ہے،عوام یہ فیصلہ کرے گی کہ اس نے جس کو اقتدار میں لانا اور نکالنا ہے، جتنا یہ تحریک انصاف کے خلاف منفی پروپیگنڈا کر رہے ہیں اتنی تحریک انصاف کی مقبولیت بڑھ رہی ہے۔

سابق اسپیکر قومی اسمبلی اسد قیصر نے مزید کہا کہ کیا ایسے یہ تحریک انصاف کو ختم کر سکتے ہیں؟ یہ ان کی غلط فہمی ہے، تمام مقتدر حلقوں سے درخواست کرتا ہوں کہ آئین کے مطابق صاف اور شفاف انتخابات کروائیں۔