گورنر سندھ کامران ٹیسوری نے کہا ہے کہ معاشی بحران سے ہمیں صرف دعائیں ہی نکال سکتی ہیں۔
تفصیلات کے مطابق گورنر کامران ٹیسوری نے کراچی میں میڈیا سے گفتگو کرتے ہوئے کہا کہ آج اللہ تعالیٰ نے مجھے توفیق دی میں نے عرس کا افتتاح کیا، ہر بار عبداللہ شاہ کے وسیلے سے طوفان ٹل جاتے ہیں۔
انہوں نے کہا کہ آنے والے وقت میں پاکستان کی معیشت بہتر سے بہتر ہوگی، ہم بہت مشکل دور سے گزر رہے ہیں، ہمیں ایسا کچھ کرنا ہے کہ پاکستان اپنے پیروں پر کھڑا ہوسکے۔
کامران ٹیسوری نے کہا کہ ہم اپنے مسائل لے کر بزرگان دین کے مزاروں پر جاتے ہیں، بزرگان دین کی دعاؤں سے ہم ہمیشہ بچ جاتے ہیں۔
یہ بھی پڑھیں: گورنر سندھ نے دنیا کی پہلی قوالی اکیڈمی کا افتتاح کر دیا
انکا کہنا ہے کہ معاشی بحران سے ہمیں صرف دعائیں ہی نکال سکتی ہیں، جو حالات تھے پڑوسی ملک دیکھ رہے تھے ہم کب ڈیفالٹ کرجائیں۔
گورنر سندھ نے مزید کہا کہ کورونا اور سیلاب کے باعث تباہی ہوئی، پاکستان میں جلد معاشی استحکام ہوگا، وزیراعظم اور اسحاق ڈار نے آئی ایم ایف سے ڈیل کی، ہم ڈیفالٹ سے بچ گئے۔
یہ بھی پڑھیں: ملک کا معاشی حب ترقی کرے گا تو پاکستان بھی ترقی کرے گا، گورنر سندھ
مزید پڑھیں
Catch all the Business News, Breaking News Event and Latest News Updates on The BOL News
Download The BOL News App to get the Daily News Update & Live News