پاک بحریہ میں 4 طغرل کلاس فریگیٹس کی شمولیت کے بعد میلجم کلاس کورویٹس کی شمولیت کی تیاریاں۔

پاک بحریہ کے ترجمان کے مطابق اسٹیلتھ خصوصیات، کثیر الجہتی ویپن سسٹمز اور جدید ترین سینسرز کے ساتھ ملجم کلاس پاک بحریہ کے جدید ترین جہاز ہوں گے۔

پاکستان میں تیار ہونے والا دوسرا میلجم کلاس کورویٹ پی این ایس طارق اگست کے اوائل میں لانچ کیا جائے گا، پی این ایس طارق کی لانچنگ کے لئے ترک صدر رجب طیب اردگان کی پاکستان آمد متوقع ہے۔

پاکستان نے 2018 میں ترکی کے ساتھ 4 ملجم کلاس یا بابر کلاس کورویٹس کی تیاری کا معاہدہ کیا تھا۔

پاک بحریہ اور ایم ایس اسفات ترکی کے معاہدے کے تحت 2 کورویٹس استنبول شپ یارڈ جبکہ 2 کراچی شپ یارڈ ایند انجنئیرنگ ورکس میں تیار کئے جا رہے ہیں۔

لانچنگ کے بعد پی این ایس طارق کے سمندری ٹرائلز شروع ہوں گے۔

سمندی ٹرائلز کا مرحلہ مکمل ہونے کے بعد پی این ایس طارق باضابطہ طور پر پاک بحریہ کے بیڑے میں شامل ہو گا۔

پاک بحریہ کے لیے پہلے میلجم کارویٹ پی این ایس بابر کی لانچنگ تقریب اگست 2021 میں استنبول میں منعقد ہوئی جبکہ دوسرے  میلجم جہاز پی این ایس بدر کی لانچنگ مئی 2022 میں کراچی میں ہوئی تھی

وزیر اعظم شہباز شریف اور ترک صدر ایردوان نے گذشتہ برس نومبر میں استنبول شپ یارڈ میں تیسرے جہاز پی این ایس خیبر کا افتتاح کیا تھا۔

ملجم منصوبہ پاکستان-ترکی اسٹریٹجک پارٹنرشپ میں اہم سنگ میل کی حیثیت رکھتا ہے۔

پاک بحریہ کے ملجم کلاس کورویٹس بیک وقت سطح آب، زیر آب اور فضا میں جنگ لڑنے کی صلاحیت رکھتے ہیں۔

سطح آب پر اہداف کو تباہ کرنے کے لئے ملجم کلاس جہازوں پر پاکستانی کا تیار کردہ حربہ کروز میزائل نصب کیا جا سکتا ہے

سطح سے فضا میں مار کرنے والے میزائلوں کے لئے میلجم کلاس کورویٹس پر ورٹیکل لانچنگ سسٹم موجود ہے۔

اگر آپ حالاتِ حاضرہ سے باخبر رہنا چاہتے ہیں تو ہمارے فیس بک پیج https://www.facebook.com/BOLUrduNews/ کو لائک کریں

ٹوئٹر پر ہمیں فالو کریں https://twitter.com/bolnewsurdu01 اور حالات سے باخبر رہیں

پاکستان سمیت دنیا بھر سے خبریں دیکھنے کے لیے ہمارے کو سبسکرائب کریں   اور بیل آئیکن پر کلک کریں