وفاقی حکومت نے عام انتخابات کیلئے فنڈز جاری کرنے کی حکمت عملی طے کرلی ہے۔

اس حوالے سے ذرائع نے بتایا کہ حکومت نے پہلی سہ ماہی میں تمام فنڈز جاری کرنے کی الیکشن کمیشن کی تجویز ماننے سے انکار کردیا۔

ذرائع کے مطابق حکومت کی جانب سے الیکشن کمیشن کو فنڈز ضرورت کے مطابق مرحلہ وار جاری کرنے کا فیصلہ کیا گیا ہے۔ گزشتہ مالی سال کے 10ارب روپے دوبارہ فراہم کرنے کی منظوری دیدی گئی ہے۔

حکومتی ذرائع کا کہنا ہے کہ عام انتخابات کیلئے مجموعی طور پر 42 ارب 42 کروڑ روپے فراہم کیے جائیں گے، فنڈز ضرورت کے مطابق مرحلہ وار جاری کیے جائیں گے۔

ذرائع نے بتایا کہ الیکشن کمیشن ضرورت کے مطابق فنڈز کیلئے وزارت خزانہ سے رجوع کرے گا، تاہم انتخابات کیلئے پہلے مرحلے میں 10 ارب روپے جاری کرنے کی منظوری دیدی گئی۔

حکومتی ذرائع کے مطابق کل 42 ارب 42 کروڑ میں سے 10 ارب روپے گزشتہ مالی سال مختص کیے گئے تھے، الیکشن کمیشن نے گزشتہ مالی سال عام انتخابات کیلئے 47 ارب 42 کروڑ روپے مانگے تھے۔

ذرائع کا کہنا ہے کہ الیکشن کمیشن کو گزشتہ مالی سال 15 ارب روپے جاری کرنے منظوری دی گئی تھی، جبکہ الیکشن کمیشن کو 15 ارب میں سے گزشتہ مالی سال 5 ارب روپے جاری کیے گئے۔

ذرائع نے مزید بتایا کہ گزشتہ مالی سال الیکشن کمیشن نے 5 ارب میں 4ارب47 کروڑ روپے کے استعمال کیے، جبکہ الیکشن کمیشن نے رہ جانے والے 53 کروڑ روپے واپس وزارت خزانہ کو جمع کرائے تھے، تاہم الیکشن کمیشن نے گزشتہ سال کے 10 ارب 53 کروڑ روپے دوبارہ فراہم کرنے کی درخواست کی۔

اگر آپ حالاتِ حاضرہ سے باخبر رہنا چاہتے ہیں تو ہمارے فیس بک پیج https://www.facebook.com/BOLUrduNews/ کو لائک کریں

ٹوئٹر پر ہمیں فالو کریں https://twitter.com/bolnewsurdu01 اور حالات سے باخبر رہیں

پاکستان سمیت دنیا بھر سے خبریں دیکھنے کے لیے ہمارے  کو سبسکرائب کریں   اور بیل آئیکن پر کلک کریں