متحدہ قومی موومنٹ (ایم کیو ایم) پاکستان نے عام انتخابات نئی مردم شماری پر کرانے کا مطالبہ کردیا ہے۔

ایم کیو ایم کے سینئر ڈپٹی کنوئینر فاروق ستار نے الیکشن کمیشن کے باہر میڈیا سے گفتگو کرتے ہوئے کہا کہ وزیر اعظم نے یقین دہانی کرائی ہے ابھی انتخابات کس مردم شماری پر ہونگے فیصلہ نہیں ہوا۔

انہوں نے کہا کہ  سیکریٹری الیکشن کمیشن نے بتایا کہ نئی مردم شماری پر حلقہ بندیوں کےلئے 4 ماہ درکار ہیں، اگر چند مہینے انتخابات آگے ہوں تو کرلیں۔

فاروق ستار نے کہا کہ 30 فیصد کراچی کے ووٹرز کو اپنے حلقے سے نکال کر کئی اور پھینک دیا گیا ہے، کراچی میں قبل از وقت دھاندلی کی کوشش جارہی ہے، کراچی ملک کی معیشت چلا رہا ہے۔

انکا کہنا ہے کہ گزشتہ حکومت کو ہمارا مینڈیٹ دیا گیا، ہم نے مردم شماری کی نگرانی کی اور چوروں کو رنگے ہاتھوں پکڑا، جاگیرداروں کی کرپشن کے احتساب کا وقت اب آیا ہے نادرا کو امید ہے ہدایت ملیں گی کہ ووٹرز کا معاملہ درست کیا جائے، ایک بٹن سے معاملہ درست ہوجائے گا۔

ایم کیو ایم کے سینئر ڈپٹی کنوئینر نے کہا کہ جو تحفظات یا شکایت نامہ جمع کروایا وہ صوبائی الیکشن کمیشن اور صوبائی الیکشن کمشنرز کے خلاف ہے، کراچی کی ووٹر لسٹ میں بڑے پیمانے پر دھاندلی کی گئی ہے،  یہ قبل از انتخابات اور دھاندلی ہے۔

فاروق ستار نے کہا کہ پیپلز پارٹی نے گزشتہ پندرہ سالوں سے کراچی کو لوٹا، جس طرح کی مردی شماری ہوئی، ہر جگہ پیپلز پارٹی نے دھاندلی کی، کراچی ہر زبان بولنے والوں کا شہر ہے۔

انکا کہنا ہے کہ چیئرمین پی ٹی آئی نے ایک دن کراچی میں قیام نہیں کیا، ہم نے مردم شماری کی چوکیداری کرکے اپنا فرض پورا کیا، اب وزیر اعظم اور دیگر کا فرض ہے کہ وہ ہمارا مقدمہ سنیں۔

ایم کیو ایم کے رہنما نے مزید کہا کہ ووٹر لسٹ کی بے ضابطگی کو درست کیا جائے اورکراچی کے لاکھوں ووٹرز کو دوبارہ اپنے حلقے میں شفٹ کیا جائے۔

اگر آپ حالاتِ حاضرہ سے باخبر رہنا چاہتے ہیں تو ہمارے فیس بک پیج https://www.facebook.com/BOLUrduNews/ کو لائک کریں

ٹوئٹر پر ہمیں فولو کریں https://twitter.com/bolnewsurdu01 اور حالات سے باخبر رہیں

پاکستان سمیت دنیا بھر سے خبریں دیکھنے کے لیے ہمارے  کو سبسکرائب کریں   اور بیل آئیکن پر کلک کریں