دریائے راوی، چناب اور جہلم میں درمیانے سے اونچے درجے کے سیلاب کا خطرہ ہے۔

پی ڈی ایم اے کے ترجمان نے بتایا ہے کہ پنجاب کے دریاؤں میں پانی کی سطح میں مسلسل اضافہ ہو رہا ہے دریائے، چناب اور راوی میں اگلے 48 گھٹنوں میں پانی کی سطح میں مسلسل اضافے کا امکان ہے۔

ترجمان پی ڈی ایم اے کا کہنا ہے کہ مسلسل بارشوں سے بھارتی ڈیمز میں بھی پانی کی سطح خطرناک حد تک بلند ہو گئی ہےجس کے پیش نظر صوبے بھر کی انتظامیہ انتظامات مکمل رکھے اور الرٹ رہے۔

ڈی جی پی ڈی ایم اے نے ریسکیو ریلیف ٹیموں کو ہنگامی صورتحال سے نمٹنے کے لیے الرٹ رہنے کی ہدایات جاری کرتے ہوئے کہا کہ نشیبی علاقوں سے لوگوں کے انخلاء کو یقینی بنائیں اور  پانی کی گزرگاہوں سے تجاوزات کا خاتمہ یقینی بنائیں۔

ڈی جی عمران قریشی نے مزید کہا کہ لوگوں کی جان و مال کا تحفظ اولین ترجیح ہے۔ شہری غیر ضروری سفر سے پرہیز کریں اور ہنگامی صورتحال میں پی ڈی ایم اے کی ہیلپ لائن 1129 پر رابطہ کریں۔

دوسری جانب دریائے سندھ کے دونوں بیراجوں جناح بیراج اور چشمہ بیراج میں پانی کی آمد میں مسلسل اضافہ جاری ہے۔

فلڈ کنٹرول روم کے ذرائع نے بتایا کہ جناح بیراج اور چشمہ بیراج پر نچلے درجے کا سیلاب مسلسل برقرار ہے، جناح بیراج میں پانی کی آمد 3 لاکھ 10 ہزار 98 کیوسک ہے اور پانی کا اخراج 3 لاکھ2 ہزار598 کیوسک ہے۔

اس کے علاوہ چشمہ بیراج میں پانی کی آمد3  لاکھ 46 ہزار 144کیوسک ہے جبکہ پانی کا اخراج 3 لاکھ 44 ہزار 456 کیوسک ہے۔

اگر آپ حالاتِ حاضرہ سے باخبر رہنا چاہتے ہیں تو ہمارے فیس بک پیج https://www.facebook.com/BOLUrduNews/ کو لائک کریں

ٹوئٹر پر ہمیں فالو کریں https://twitter.com/bolnewsurdu01 اور حالات سے باخبر رہیں

پاکستان سمیت دنیا بھر سے خبریں دیکھنے کے لیے ہمارے  کو سبسکرائب کریں   اور بیل آئیکن پر کلک کریں