حج گزشتہ سال سے بھی سستا کرنے کے مواقع موجود ہیں، طلحہ محمود

ویب ڈیسک

17th Jul, 2023. 08:35 pm
شيئر
- Font size
  - Small
  - Medium
  - Large
- Dark Mode
- Save
- Print

آرٹیکلز

Now Reading:

حج گزشتہ سال سے بھی سستا کرنے کے مواقع موجود ہیں، طلحہ محمود

وفاقی وزیر مذہبی امور سینیٹر طلحہ محمود نے کہا ہے کہ حج گزشتہ سال سے بھی سستا کرنے کے مواقع موجود ہیں۔

تفصیلات کے مطابق وفاقی وزیر مذہبی امور سینیٹر طلحہ محمود نے ہزارہ جرنلسٹس ایسوسی ایشن کی تقریب حلف برداری کے بعد خطاب کرتے ہوئے کہا کہ جیسے آبادی بڑھ رہی ہے غربت بڑھتی ہوتی جا رہی ہے، ہر سال ابتری بڑھتی جارہی ہے، ابتری کے باوجود بہت کچھ اچھا بھی ہے جسے سامنے لانے کی ضرورت ہے۔

انہوں نے کہا کہ پاکستان میں جو لوگ باہر جاتے ہیں وہ بلندیوں کو چھوجاتے ہیں، پاکستان میں لوگوں کو موقع میسر نہیں اس لئے باہر جارہے ہیں۔

ان کا کہنا تھا کہ ہمارے پالیسی میکرز کو لوگوں کو پاکستان میں بہتر مواقع فراہم کرنا ہوں گے، اچھے لوگوں کو آگے آنے کے مواقع دے کر ہی ملک کو آگے بڑھایا جاسکتا ہے، ملک کا قبلہ درست کرنے کی ضرورت ہے۔

وفاقی وزیر مذہبی امور سینیٹر طلحہ محمود نے مزید کہا کہ میں اب تک ساڑھے چار ارب روپے عازمین حج کو واپس کر چکا ہوں، حج گزشتہ سال سے بھی سستا کرنے کے مواقع موجود ہیں۔