وزیر داخلہ رانا ثنا اللہ نے کہا ہے کہ اسلام آباد اور اسکے اداروں کو ماڈل بنائیں گے۔
تفصیلات کے مطابق وزیر داخلہ رانا ثنا اللہ نے تقریب سے خطاب کرتے ہوئے کہا کہ اسلام آباد میں پوری دنیا سے لوگ آتے ہیں، اکثریت اسلام آباد کو دیکھ کر یہ اندازہ لگاتی ہے کہ پاکستان کیسا ہے،ایسے میں اسلام آباد اور اس کے اداروں بلخصوص اسلام آباد پولیس کو ماڈل بنایا جائے گا۔
انہوں نے کہا کہ وزیراعظم شہباز شریف کی قیادت میں ہم نے ایک سال میں پوری کوشش کی کہ عوامی خدمت کی نوعیت کے منصوبوں کو جلد از جلد مکمل کیا جائے۔
ان کا کہنا تھا کہ بارہ کہو فلائی اوور کی تکمیل کے بعد نہ صرف راولپنڈی اسلام آباد بلکہ ملک کے مختلف حصوں سے مری اور آزاد کشمیر جانے والے افراد کو ایک بہترین سفری سہولت فراہم ہوگی۔
ان کا یہ بھی کہنا تھا کہ وویمن پولیس سٹیشن کا قیام عمل میں لایا گیا تو اس کے لئے عمارت بہت خستہ تھی، آئی جی اسلام آباد نے اپنے دیگر مطالبات کے ساتھ اس عمارت کی تعمیر کی درخواست بھی کی تھی جس کی روشنی میں آج اس عمارت کا سنگ بنیاد رکھا جارہا ہے،قلیل مدت میں یہ عمارت مکمل کی جائے گی۔
رانا ثنا اللہ نے کہا کہ جب ہم نے حکومت سنبھالی تو ہمارے سامنے یہ معاملہ رکھا گیا کہ ایک ارب 40 کروڑ روپے شہدا کے خاندانوں کے بقایا جات ہیں جس پر فوری طور پر وزیراعظم کے علم میں یہ معاملہ لایا گیا اور ترجیحی بنیادوں پر یہ ادائیگی کی گئی، آج شہدا فیملی کا معاوضے کی مد د میں کوئی بقایا جات نہیں ہیں ۔
انہوں نے کہا کہ اسلام آباد پولیس میں کئی سال سے پولیس کی تعداد میں اضافہ نہیں ہوا،ہم نے آتے ہی 1700 پولیس جوانوں کی بھرتی کی اس میں 208 خواتین ہیں۔
مزید پڑھیں
Catch all the Business News, Breaking News Event and Latest News Updates on The BOL News
Download The BOL News App to get the Daily News Update & Live News