وزیرِاعظم کی سانحہ باجوڑ پر مولانا فضل الرحمان سے تعزیت

ویب ڈیسک

31st Jul, 2023. 10:49 pm
شيئر
- Font size
  - Small
  - Medium
  - Large
- Dark Mode
- Save
- Print

آرٹیکلز

Now Reading:

وزیرِاعظم کی سانحہ باجوڑ پر مولانا فضل الرحمان سے تعزیت

وزیرِاعظم شہباز شریف نے سانحہ باجوڑ پر مولانا فضل الرحمان سے تعزیت کا اظہار کیا ہے۔

تفصیلات کے مطابق وزیرِاعظم شہباز شریف نے جمیعت علماء اسلام ف کے سربراہ مولانا فضل الرحمان کے گھر گئے اور باجوڑ میں جمیعت علماء اسلام کے ورکرز کنوینشن حملے پر سربراہ جمیعت علماء اسلام سے تعزیت کی۔

وزیرِاعظم شہباز شریف نے کہا کہ اس اندوہناک واقعے پر پوری قوم اشکبار ہے، جمیعت کے ورکرز کنیونشن پر حملہ پاکستان کی جمہوریت پر حملہ ہے۔

انہوں نے شہداء کیلئے دعائے مغفرت کرتے ہوئے کہا کہ اللہ تعالیٰ شہداء کے درجات بلند کرے اور سوگواران کو صبر جمیل عطا فرمائے.

وزیرِاعظم شہباز شریف نے کہا کہ میں نے زخمیوں کو بہترین طبی سہولیات فراہم کرنے کی ہدایات کر دی ہیں،واقعے کے ذمہ داران کی جلد نشاندہی کرکے انہیں کیفر کردار تک پہنچایا جائے گا.

اس موقع پر وفاقی وزراء بلاول بھٹو رزداری، اسحاق ڈار، مولانا اسد محمود، خرم دستگیر خان، سردار اسرار ترین بھی موجود تھے۔

ڈپٹی اسپیکر قومی اسمبلی زاہد اکرم درانی، وزیرِ اعلی سندھ سید مراد علی شاہ، سینیٹر مولانا عبدالغفور حیدری اور رکن قومی اسمبلی عبدالاکبر چترالی بھی ملاقات میں شریک تھے۔