مشیرخزانہ و توانائی حمایت اللہ خان نے وفاقی وزیر پٹرولیم مصدق ملک کے نام خط لکھا ہے۔

تفصیلات کے مطابق خط میں مشیرخزانہ و توانائی حمایت اللہ خان نے وفاق اور صوبے کو ونڈ فال لیوی کی مد میں اربوں روپے نقصان پربرہمی کا اظہار کیا ہے اور وفاقی وزیر پٹرولیم مصدق ملک سے انکوائری کا مطالبہ بھی کر دیا ہے۔

 کے پی حکومت کے اصرار پر وفاقی حکومت نے کونسل آف کامن انٹرسٹ کو اس بارے سمری ارسال کی۔

 خط میں کہا گیا کہ کوہاٹ میں واقع ٹل بلاک کے پارٹنرز کو 2015 میں 2012 کی پٹرولیم پالیسی پر مُنتقل کیا گیا، پالیسی کے تحت سپلیمنٹل اگریمنٹ میں ونڈفال لیوی والی شق چھوڑ دی گئی، مشترکہ مفادات کونسل نے فیصلہ دیا کہ ونڈفال لیوی کو سپلیمنٹل اگریمنٹ کا حصہ ہونا چاہیئے، کونسل کے فیصلے کو لیکر مول اور اس کے پارٹنرز نے اسلام آباد ہائی کورٹ میں رٹ دائر کی، جب سے لیکر اب تک وفاقی اور صوبائی حکومت سالانہ اربوں روپے کی ونڈفال لیوی سے محروم ہے، ونڈفال لیوی سپلیمنٹل ایگریمنٹ میں نظر انداز والے اہلکاروں کیخلاف انکوائری تشکیل دی جائے، ٹل بلاک میں کام کرنے والی نجی کمپنیوں کو اسلام آباد ہائی کورٹ سے کیس واپس لینے لینے کی ہدایت کی جائے، نجی کمپنیوں کو وفاق اور خیبرپختونخوا کو ونڈفال لیوی کی ادائیگی یقینی بنانے کی ہدایت کی جائے