ہمیں پہلے دن سے پتا تھا کہ سائفر سابق وزیر اعظم کی من گھڑت سازش ہے، شیری رحمان

ویب ڈیسک

19th Jul, 2023. 04:10 pm
شيئر
- Font size
  - Small
  - Medium
  - Large
- Dark Mode
- Save
- Print

آرٹیکلز

Now Reading:

ہمیں پہلے دن سے پتا تھا کہ سائفر سابق وزیر اعظم کی من گھڑت سازش ہے، شیری رحمان

وفاقی وزیر موسمیاتی تبدیلی شیری رحمان نے کہا ہے کہ ہمیں پہلے دن سے پتا تھا کہ سائفر سابق وزیر اعظم کی من گھڑت سازش ہے۔

سماجی رابطے کی ویب سائٹ ٹوئٹر پر اپنے ایک پیغام میں وفاقی وزیر موسمیاتی تبدیلی شیری رحمان نے کہا کہ سابق وزیرِ اعظم کے پرنسپل سیکریٹری اعظم خان کا سائفر متعلق بیان چیئرمین تحریک انصاف عمران خان کے خلاف چارج شیٹ ہے، اس سے پہلے ایک آڈیو لیک میں سابق وزیراعظم کو “سائفر پر کھیلنے” کا منصوبہ بناتے ہوئے سنا گیا۔

شیری رحمان نے کہا کہ ہم پہلے دن سے کہہ رہے ہیں کہ سائفر سابق وزیر اعظم کی من گھڑت سازش ہے، انہوں نے اپنے چھوٹے سیاسی مقاصد کی خاطر ملکی سفارتی تعلقات کو دائو پر لگایا اور پاکستان کیلئے سفارتی بحران پیدا کئے، کیا ملک کے سب سے بڑے عہدے پر بیٹھ کر ان کو ملک کے خلاف سازشیں گھڑنی چاہیے تھیں؟

ان کا مزید کہنا تھا کہ جھوٹا بیانیہ بنانے والے دوسروں پر ملک دشمنی کا فتوا لگاتے رہے۔