ایف آئی اے امیگریشن کی کراچی ایئرپورٹ پر 2 اہم کارروائیاں

ویب ڈیسک

08th Jul, 2023. 05:25 pm
شيئر
- Font size
  - Small
  - Medium
  - Large
- Dark Mode
- Save
- Print

آرٹیکلز

Now Reading:

ایف آئی اے امیگریشن کی کراچی ایئرپورٹ پر 2 اہم کارروائیاں

وفاقی تحقیقات ایجنسی (ایف آئی اے) امیگریشن نے کراچی ائیرپورٹ پر دو مختلف کارروائیاں کرتے ہوئے دو ملزمان کو گرفتار کرلیا ہے۔

ترجمان ایف آئی اے کے مطابق پہلی کارروائی میں سینیگال سے واپس آنے والے مسافر کو ایئرپورٹ سے گرفتار کر لیا، ملزم کے پاسپورٹ پر جعلی امیگریشن اسٹیمپس لگی ہوئی تھیں جبکہ پاسپورٹ پر یونان کی ایگزیٹ اسٹیمپ بھی جعلی نکلی۔

ایف آئی اے کے مطابق حماد نعیم نامی ملزم 7 جون کو ملتان ایئرپورٹ سے سینیگال روانہ ہوا تھا، ابتدائی تفتیش کے مطابق زبیر نامی ایجنٹ نے ملزم کو سینیگال سے اٹلی بھیجنا تھا، ملزم کو قانونی کارروائی کیلیے اینٹی ہیومن ٹریفیکنگ سرکل کراچی منتقل کر دیا گیا۔

دوسری اہم کارروائی میں لیہ پولیس کو مطلوب ملزم کو طیارے سے آف لوڈ کیا گیا۔

ترجمان ایف آئی اے کے مطابق ملزم محمد شکیل سعودی عرب روانہ ہو رہا تھا، اس کا نام اسٹاپ لسٹ میں تھا، ملزم کو گرفتار کر کے لیہ پولیس کے حوالے کر دیا گیا۔