امیر جماعت اسلامی کراچی حافظ نعیم الرحمٰن نے کہا ہے کہ مغربی دنیا کے ڈبل اسٹینڈرڈ نہیں ہونے چاہیئں۔

تفصیلات کے مطابق امیر جماعت اسلامی کراچی حافظ نعیم الرحمٰن نے کراچی پریس کلب پر مظاہرہ سے خطاب کرتے ہوئے کہا کہ سویڈن میں ہونے والا واقعہ میں ایک انسان نہیں بلکہ اس کے پیچھے وہ اپنے ہے جو دنیا میں بد امنی پھیلانا چاہتے ہیں۔

انہوں نے کہا کہ ہم حیران ہے کہ جب ہولوکاسٹ پر بات کی جائے تو اس وقت آزادی اظہار رائے کہاں چلی جاتی ہے، مغربی دنیا کے ڈبل اسٹینڈرڈ نہیں ہونے چاہیئں۔

ان کا کہنا تھا کہ پوری دنیا کے مزاہب سے وابستہ افراد توہین قرآن پاک کے خلاف متحد ہیں اور سراپا احتجاج ہیں۔

حافظ نعیم الرحمٰن نے کہا کہ اسلام کی اصولوں کی بنیاد پر نظام قائم ہو تو اسلامک اسٹیڈ کی ذمہ داری ہوتی ہے کہ دیگر مزاہب سے وابستہ لوگوں کی عبادت گاہوں کی حفاظت کی جائے۔

انہوں نے کہا کہ مسیحی برادری کو نمایندہ احتجاج کرنے پر خراج تحسین پیش کرتے ہیں، آج کے اس مظاہرے میں ہندو اور سکھ برادری کے لوگ بھی موجود ہیں۔

 ان کا کہنا تھا کہ اقوام متحدہ میں کسی بھی مذہب کی کتابوں کو نذر آتش کرنے اور شعائر اسلام کی خلاف ورزی کرنا جرم قرار دیا جائے۔

 مظاہرے میں کارڈینیئل جوزف کوٹس سمیت پادری و بشپ اور ہندو اور سکھ برادری کے نمائندوں نے بھی شرکت کی۔