قیمتی جانوں کے تحفظ کیلئے تمام تر وسائل بروئے کار لا رہے ہیں، قمر زمان کائرہ

ویب ڈیسک

21st Jul, 2023. 09:53 pm
شيئر
- Font size
  - Small
  - Medium
  - Large
- Dark Mode
- Save
- Print

آرٹیکلز

Now Reading:

قیمتی جانوں کے تحفظ کیلئے تمام تر وسائل بروئے کار لا رہے ہیں، قمر زمان کائرہ

قمر زمان کائرہ نے کہا ہے کہ قیمتی جانوں کے تحفظ کے لیے تمام تر وسائل بروئے کار لا رہے ہیں۔

تفصیلات کے مطابق وزیر اعظم کے مشیر برائے امور کشمیر و گلگت بلتستان قمر زمان کائرہ کا چیف سیکرٹری گلگت بلتستان سے رابطہ ہوا جس میں انہوں نے گلگت بلتستان کے ضلع غذر میں وین حادثے میں جانی نقصان پر گہرے دکھ و رنج کا اظہار کیا۔

قمر زمان کائرہ نے حادثے میں زخمی ہونے والے افراد کو بہترین طبی سہولیات فراہم کرنے کی ہدایت دی۔

مشیر آمور کشمیر کا کہنا تھا کہ سابقہ الماناک حادثے کے بعد وزیراعظم پاکستان نے حادثات کی روک تھام کے لیے کمیٹی قائم کی تھی، کمیٹی نے حادثات کے روک تھام کے لیے اپنی سفارشات وزیر اعظم آفس کو ارسال کر دی ہیں۔

قمر زمان کائرہ کا یہ بھی کہنا تھا کہ قابل عمل اقدامات کے نفاز کے لیے گلگت بلتستان حکومت ، موٹر وے پولیس حکام اور این ایچ اے باہمی رابطے میں ہیں جبکہ قیمتی جانوں کے تحفظ کے لیے تمام تر وسائل بروئے کار لا رہے ہیں۔

وزیر اعظم کے مشیر برائے امور کشمیر و گلگت بلتستان قمر زمان کائرہ کا مزید کہنا تھا کہ گلگت بلتستان میں موٹر وے پولیس کی تعیناتی کے لیے فوری اقدامات اٹھائے جا رہے ہیں، گلگت بلتستان کے عوام موٹر وے پولیس کو جلد گلگت بلتستان کی اہم شاہراہوں پر دیکھیں گے۔