مسلم لیگ (ن) نے پارٹی کے قائد میاں محمد نواز شریف کی ہدایت پر عام انتخابات کی تیاریاں شروع کر دی ہیں۔
سعودی عرب میں نواز شریف کی زیر قیادت پارٹی بیانیہ پر مشاورت ہو گی جس میں مسلم لیگ (ن) کے سابقہ ادوار کی ترقیاتی منصوبوں کو شامل کیا جائے گا، نواز شریف کی حکومت ختم کرنے کی مبینہ سازش کا بھی بیانیہ بنایا جائے گا اور موجودہ مہنگائی کی زمہ داری پی ٹی آئی کی سابقہ حکومت پر ڈالی جائے گی۔
پارٹی ذرائع کا کہنا ہے کہ اس موقع پر انتخابی جلسوں میں پی ٹی آئی کے چیئرمن کی مبینہ کرپشن کو ہدف تنقید بنایا جائے گا۔
مسلم لیگ (ن) کے قائد نواز شریف کی عام انتخابات سے 45 روز قبل وطن واپسی متوقع ہے، وطن واپسی پر نواز شریف انتخابی مہم کی قیادت کریں گے۔
پارٹی ذرائع کا کہنا ہے کہ انتخابی جلسوں سے خطاب کرنے والے قائدین کے نام بھی فائنل کر لیے گئے ہیں۔
انتخابی جلسوں سے نواز شریف، مریم نواز، شہباز شریف، حمزہ شہباز سمیت دیگر رہنما خطاب کریں گے۔
مزید پڑھیں
Catch all the Business News, Breaking News Event and Latest News Updates on The BOL News
Download The BOL News App to get the Daily News Update & Live News
