وزیر داخلہ راناثنااللہ خان نے کہا ہے کہ گے بڑھنے کیلئے نواز شریف کی قیادت پر اعتماد کرنا ہو گا۔

تفصیلات کے مطابق وزیر داخلہ راناثنااللہ خان نے پریس کانفرنس کرتے ہوئے کہا کہ اب کہتے ہیں الیکشن ہے ہمارے ساتھ یہ نہیں ہونا چاہیے، مئی کو جو کچھ کیا اب کہتے ہیں ہمارے ساتھ زیادتی ہوئی، آگے بڑھنے کیلئے نواز شریف کی قیادت پر اعتماد کرنا ہو گا، 14 ماہ کی حکومت مشکل تھی، جو ان لوگوں نے کیا انہیں سزا ملے گی۔

راناثنااللہ نے کہا کہ 9 مئی کو شہداء کی بے حرمتی کی گئی، نواز شریف نے پاکستان کو ایٹمی طاقت بنایا، (ن) لیگ نے ملک کو ہر بحران سے نکالا، ملک آج بھی بحران میں ہے، پاکستان کو ڈیفالٹ سے بچا لیا گیا ہے، فتنہ کہتا ہے مخالفین کے ساتھ بیٹھ نہیں سکتا، ملک کے آگے بڑھنے میں ن لیگ کی قیادت کا کردار ہے، 2018 کا الیکشن چرایا گیا اور فتنے کو مسلط کیا گیا۔

ان کا کہنا تھا کہ فتنے نے ملک میں 4 سال کوئی ترقیاتی کام نہیں کیا، خدمت کا سفر ن لیگ کا اثاثہ ہے، ستیانہ روڈ بننے سے فیصل آباد سے لاہور کا سفر آدھارہ جائے گا، آج 10 ارب کی لاگت کے 2 منصوبوں کا افتتاح ہوا ہے، منصوبوں کی تکمیل سے ترقی کا پہیہ تیز ہو گا، پہلا منصوبہ فیصل آباد ستیانہ بائی پاس کا ہے، منصوبوں سے عوام کو سفری سہولتیں میسر آئیں گی، دوسرا منصوبہ فیصل آباد کا رنگ روڈ ہے۔

اگر آپ حالاتِ حاضرہ سے باخبر رہنا چاہتے ہیں تو ہمارے فیس بک پیج https://www.facebook.com/BOLUrduNews/ کو لائک کریں

ٹوئٹر پر ہمیں فالو کریں https://twitter.com/bolnewsurdu01 اور حالات سے باخبر رہیں

پاکستان سمیت دنیا بھر سے خبریں دیکھنے کے لیے ہمارے کو سبسکرائب کریں   اور بیل آئیکن پر کلک کریں