مختلف سیاسی جماعتوں سے تعلق رکھنے والے درجنوں رہنماؤں نے کارکنان کی بڑی تعداد کے ساتھ پیپلز پارٹی میں شمولیت اختیار کرلی۔

تفصیلات کے مطابق چیئرمین پیپلز پارٹی بلاول بھٹو زرداری سے اسلام آباد میں بونیر سے تعلق رکھنے والے رہنماؤں نے ملاقات کی اور ان کی قیادت پر اعتماد کا اظہار کرتے ہوئے پارٹی میں شمولیت کا باضابطہ اعلان کیا۔

ملاقات کرنے والوں میں اے این پی صوبائی رہنماء، سابق نائب ناظم اعلی بونیر یوسف علی خان، عوامی پارٹی کے بانی رہنماء و سابق ٹاؤن ناظم ڈگر، ضلع بونیر شیر زمان خان، اے این پی بونیر کے نائب صدر انعام خان، اے این پی رہنما و رکن صوبائی کونسل حاجی شیر زمان خان شامل تھے۔

اس کے علاوہ اے این پی رہنما انور جہان خان، سابق ایس پی ظاہر شاہ خان، اے این پی رہنماء سلطان روم خان ، امیر زیب خان، فضل اکبر، محب اللہ خان، اقبال خان اور نور خان شامل تھے۔

بلاول بھٹو زرداری نے پارٹی میں شمولیت اختیار کرنے والوں کا خیر مقدم کرتے ہوئے کہا کہ پاکستان پیپلز پارٹی عوام کی خدمت پر یقین رکھتی ہے۔

ان کا کہنا تھا کہ خیبر پختونخوا کے عوام نے دہشتگردوں کے ہاتھوں بڑے زخم کھائے ہیں، پارٹی اقتدار میں آکر خیبر پختونخوا کے عوام کی خدمت کرے گی۔

اگر آپ حالاتِ حاضرہ سے باخبر رہنا چاہتے ہیں تو ہمارے فیس بک پیج https://www.facebook.com/BOLUrduNews/ کو لائک کریں

ٹوئٹر پر ہمیں فولو کریں https://twitter.com/bolnewsurdu01 اور حالات سے باخبر رہیں

پاکستان سمیت دنیا بھر سے خبریں دیکھنے کے لیے ہمارے کو سبسکرائب کریں   اور بیل آئیکن پر کلک کریں