موسلادھار بارش کے باعث بلوچستان کے مقامی اور برساتی ندی نالوں میں طغیانی کا خطرہ ہے۔

تفصیلات کے مطابق محکمہ موسمیات نے بلوچستان میں مسلسل موسلادھار بارش پر رپورٹ جاری کی جس میں بتایا گیا کہ مستونگ، پشین، زیارت، کوہلو، ژوب، شیرانی، موسیٰ خیل، قلعہ سیف اللہ، قلات، خضدار، سبی، ہرنائی، بولان، بارکھان، لورالائی، نصیرآباد، ڈیرہ بگٹی، لسبیلہ، آواران، اورماڑہ، گوادر، پسنی، تربت، پنجگور اورکیچ میں چند مقمات پرآندھی/تیز ہواؤں اور گرج چمک کے ساتھ بارش کا امکان ہے۔

محکمہ موسمیات نے کہا کہ موسلادھار بارش کے باعث مقامی اور برساتی ندی نالوں میں طغیانی کا خطرہ ہے، کوئٹہ میں زیادہ سے زیادہ درجہ حرارت 30 ڈگری سینٹی گریڈ ریکارڈ کیا گیا، دالبندین میں 37 اور نوکنڈی میں زیادہ سے زیادہ 39 ڈگری سینٹی گریڈ ریکارڈ کیا گیا، سبی میں درجہ حرارت 41 ڈگری تربت میں 36 ڈگری سینٹی گریڈ ریکارڈ کیا گیا۔

ادارے نے کہا کہ بارکھان میں 31 ڈگری سینٹی جبکہ ژوب میں 30 ڈگری سینٹی گریڈ ریکارڈ کیا گیا، خضداراور لسبیلہ میں زیادہ سے زیادہ 31 ڈگری سینٹی گریڈ، قلات میں زیادہ سے زیادہ درجہ حرارت 26، زیارت میں 28 ڈگری سینٹی گریڈ، اوڑمارہ میں 32، پسنی اور جیونی میں 33، گوادر میں 34 ڈگری سینٹی گریڈ ریکارڈ کیا گیا۔

محکمہ موسمیات پنجگور میں زیادہ سے زیادہ درجہ حرارت 32 ڈگری سینٹی گریڈ ریکارڈ کیا گیا، گزشتہ روز ژوب میں 34 ملی میٹر، سبی میں 15، پنجگور میں 11 کوئٹہ میں 07 خضدار، قلات، لسبیلہ میں 05 پسنی اور تربت میں 03 ملی میٹر بارش ریکارڈ کی گئی۔

اگر آپ حالاتِ حاضرہ سے باخبر رہنا چاہتے ہیں تو ہمارے فیس بک پیج https://www.facebook.com/BOLUrduNews/ کو لائک کریں

ٹوئٹر پر ہمیں فالو کریں https://twitter.com/bolnewsurdu01 اور حالات سے باخبر رہیں

پاکستان سمیت دنیا بھر سے خبریں دیکھنے کے لیے ہمارے  کو سبسکرائب کریں   اور بیل آئیکن پر کلک کریں