قومی اسمبلی کی تحلیل اور حکومت کا اختتام ہوگیا ہے جس کے بعد پارلیمنٹ ہاؤس کی رونقیں ماند پڑ گئیں۔

تفصیلات کے مطابق قومی اسمبلی کی تحلیل کے بعد پارلیمنٹ کی راہداریاں خالی ہوگئیں، وزراء کے دفاتر کے باہر لگا رش ختم ہوگیا۔

پارلیمنٹ ہاؤس کے باہر ارکان قومی اسمبلی کی گاڑیاں نہ ہونے کے برابر ہیں ،تاہم ارکان قومی اسمبلی اپنے اپنے حلقوں میں روانہ ہوگئے ہیں۔

اس کے علاوہ بعض ارکان قومی اسمبلی نے دفاتر اور رہائش گاہوں سے سامان سمیٹنا شروع کردیا۔

اس سے قبل قومی اسمبلی کی تحلیل کے بعد سابق ارکان قومی اسمبلی و وزراء نے پارلیمنٹ ہاؤس میں چیمبرز خالی کردیے تھے۔ بلاول بھٹو زرداری، مولانا اسعد محمود، مرتضٰی جاوید، عباسی شیری رحمن، سابق اپوزیشن لیڈر راجہ ریاض ،سابق چیئرمین نورعالم خان سمیت دیگر سابق وزراء نے چیمبرز خالی کیے۔

دوسری جانب قومی اسمبلی کے بعد کابینہ ڈویژن نے وفاقی کابینہ کی سبکدوشی کا نوٹیفکیشن جاری کردیا، وفاقی کابینہ میں تمام 83 وفاقی وزراء، وزراء مملکت، مشیر، معاونین خصوصی سبکدوش کردیے گئے ہیں۔

گزشتہ روز صدر مملکت ڈاکٹر عارف علوی نے وزیر اعظم شہباز شریف کی جانب سے بھجوائی گئی سمری پر دستخط کیے تھے جس کے بعد قومی اسمبلی اور کابینہ تحلیل ہو گئی تھی، تاہم باضابطہ نوٹیفکیشن جاری ہونے کے بعد آج آخری قانونی مرحلہ بھی مکمل ہو گیا ہے۔

اگر آپ حالاتِ حاضرہ سے باخبر رہنا چاہتے ہیں تو ہمارےفیس بک پیج https://www.facebook.com/BOLUrduNews/ کو لائک کریں

ٹوئٹر پر ہمیں فولو کریں https://twitter.com/bolnewsurdu01 اور حالات سے باخبر رہیں

پاکستان سمیت دنیا بھر سے خبریں دیکھنے کے لیے ہمارے  کو سبسکرائب کریں   اور بیل آئیکن پر کلک کریں