نگران وزیراعلیٰ بلوچستان کے لئے سردار علی مردان ڈومکی کے نام پر اتفاق رائے ہوگیا ہے۔

اس حوالے سے ذرائع نے بتایا کہ علی مردان ڈومکی کے نام پر اتفاق حکومتی اور اپوزیشن کے اراکین پر مشتمل پارلیمانی کمیٹی کے درمیان ہوا۔

ذرائع کا کہنا ہے کہ علی مردان ڈومکی کی تقرری کے لئے سمری اسپیکر بلوچستان اسمبلی کی جانب سے گورنر کو بھجوادی گئی ہے۔

گورنر ہاؤس ذرائع کے مطابق گورنر بلوچستان نے اسپیکر کی جانب سے ارسال ہونے والے سمری پر دستخط کردیے۔

ذرائع نے مزید بتایا کہ نامزد ہونے والے نگران وزیر اعلیٰ بلوچستان علی مردان ڈومکی کی حلف برداری کی تقریب کل متوقع ہے۔

اس سے قبل اپوزیشن لیڈر ملک سکندر ایڈووکیٹ نے کہا کہ نگران وزیر اعلیٰ بلوچستان کے حوالے سے اب فیصلہ اسپیکر بلوچستان اسمبلی نے کرنا ہے، حزب اختلاف کے تینوں اراکین نے اپنا فیصلہ دے دیا ہے۔

ملک سکندر نے مزید کہا کہ حکومت کی جانب سے دو اراکین ہیں، اسپیکر نے اب اپنی صوابدید استعمال کرنا ہے، اگر اسپیکر یہ سمجھے کہ کمیٹی کا ایک امیدوار کے حق میں فیصلہ آگیا ہے تو ان کا نام گورنر کو بھیجے گا اور اگر وہ یہ سمجھے کہ فیصلہ نہیں آیا ہے تو پھر معاملہ الیکشن کمیشن کے پاس جائے گا۔

اگر آپ حالاتِ حاضرہ سے باخبر رہنا چاہتے ہیں تو ہمارےفیس بک پیج https://www.facebook.com/BOLUrduNews/ کو لائک کریں

ٹوئٹر پر ہمیں فولو کریں https://twitter.com/bolnewsurdu01 اور حالات سے باخبر رہیں

پاکستان سمیت دنیا بھر سے خبریں دیکھنے کے لیے ہمارے  کو سبسکرائب کریں   اور بیل آئیکن پر کلک کریں